يا أول عشگ.. هايم بي صدگ
اشما يمشي العمر.. ابعاشور اختنگ
دمعي وناظري.. عاشن بالسبي
صورة مصرعك.. مشهد مدمعي
قانون الدمع مصدر عشگ مابين الأحباب
بس آنه اختلف دمعي ابـمصابك ناحل اتراب
وي جرة النفس عايش سهم يحچيلي المصاب
دمعي ابكل كتر.. وآنه من الزغر
احضر مجلسك.. والطم عالصدر
بكل عاشور أحس.. مصابك چن أمس
بالفطره وشفت.. إنته اعظم درس
✵ ৡ ✵ৡ ✵ ৡ ✵ ৡ✵ ৡ ✵ ৡ ✵
ياميم وقلم.. بصدرك چم سهم
ياسورة سبأ.. يالشايل علم
ذخري ومذخري.. دنيا وآخري
والله لمنحرك.. يرخص منحري
يحسين العمر عاش وتربه ابنص طفوفك
وآنه من الزغر عيني اعله بابك ماتعوفك
محظوظ اشـكثر صرت امنامي اشگد اطوفك
يا أجمل حلم.. بي أقدس إسم
شفتك منذبح.. لكن مبتسم
عشت ابكربله.. نوم الطف حله
بس گتله الخدم.. هز چفه بهله
✵ ৡ ✵ৡ ✵ ৡ ✵ ৡ✵ ৡ ✵ ৡ ✵
دين ابرگبتي.. ولحد ساعتي
اشما بيه نفس.. أطبر هامتي
مجنون وصرت.. بعيونك شفت
ميت من گبل.. بس بالطف عشت
عايش للدمع للـطف لـلمسلب خدرها
للـحنة لـعلي الأكبر لـلحتارت بأمرها
للكافل للمخيم للعتاب وصبـرها
لـ عبدالله الطفل.. دمعي اشگد يهل
ذنبه من العطش.. راسه اعله الهزل
روحي اتفرفحت.. عيني أشكد بچت
عالـراحن سبي.. ياعيني انعمت
✵ ৡ ✵ৡ ✵ ৡ ✵ ৡ✵ ৡ ✵ ৡ ✵
كلمات الشاعر : مرتضـى القـاسم
ألحان وأداء: محمـد الحلفـي
تـحميـل mp3
رد مع اقتباس
المشاركة الأصلية كتبت بواسطة Ahmed Alkraawi
