صباحه غير | الشيخ حسين الأكرف محرم 1441
للشاعر: الأستاذ غازي الحداد
ألحان: تراث معدّل
توزيع: محمد عليق
تسجيل: حسن يونس
مونتاج : مهدي سعد مزرعة
الكلمـات
عاشرنا صباحه غير
ايغرد بالنحيب الطير
ولا ظنتي فاله خير
شينه هالصباحيه
على المظلوم واويـلي على حسين
اشوف ابطلعته حمره
علينه الدنيا متغيره
لـنهاره ولا عصره
ماهو مثل يوميه
على المظلوم واويـلي على حسين
الناس امجمعه ابهمها
أظن حسين لايمها
ولزمها ابـمآتمها
لا روحه ولا جيه
صباح العاشر ابعاشور
ماترهم صباح النور
لطم وعزه ابوسط الدور
والأفراح شاميه
ابد مايندمل جرحه
فجعنه ابـخطفته ولمحه
يريته ماطلع صبحه
ولا حد جاب طاريه
يومك ياصباح انحوس
انحور وماعليها روس
وخيل اعله الشهيد اتدوس
والمخيم احسينيه
على المظلوم واويـلي على حسين
تگدر ماتهل العين
من تسمع ابسهم حسين
هذا اللي سگاه البين
من گليه نبع ريه
على المظلوم واويـلي على حسين
سطا به ووسده الغبره
وسوه ابمهجته حفره
تجره وطلع من ظهره
ابدمه وشمت راميه
على المظلوم واويـلي على حسين
رماه من المهر دامي
وفتت گلبه الضامي
تعفر والترب حامي
ويفوح ابوهج لاضيه
على المظلوم واويـلي على حسين
عليه المهر ظل ايحوم
ويشم گلبه ايريده ايگوم
يمرغ الناصيه بدموع
من نزفات راعيه
على المظلوم واويـلي على حسين
زحف وايده على افاده
يلمله من الثره اوساده
وهج الفرس بطراده
وسرجه اعليه ملويه
على المظلوم واويـلي على حسين
امطير واجنح الرگضة
يشد ابطلگته بعضه
شرگ بلجامه وعضه
وصهل صهلات رعديه
على المظلوم واويـلي على حسين
يصيح من الظلبمه آه
وعلى المظلوم واويلاه
وبعينه سچيب ادماه
ويشكي من بني أميه
على المظلوم واويـلي على حسين
لفه زينب وسط الخدور
عليه ادموم تسطع نور
وگلها صوبچ عاشور
وانتي اليوم مسبيه
على المظلوم واويـلي على حسين
تگله وين خيالك
اشوفك منشده بالك
خالي وتفجع احوالك
ليكون انذبح خيه
على المظلوم واويـلي على حسين
گلها ماخطاچ الشر
صابه سهم المگدر
على ظهري ومني خر
وماينـعرف تاليه
عفته گصت اجراحات
ومابطل من الونات
حي من العطش لو مات
مفطور ابصواديه
يزينب طيحته ابوجهه
ودم الحجر بالجبهه
وجـروحه الضمه شبهه
اودمه من الشمس فيه
على المظلوم واويـلي على حسين
ختم ياسين روحوله
ومد اعله الثره طوله
بيموت وما أحد حوله
غير اسراج من ضيه
على المظلوم واويـلي على حسين
فرت شابچه العشره
على الهامه من الحره
حشاها من الغضه جمره
اتدور وين واديه
على المظلوم واويـلي على حسين
لگته سابح ابدمه
وطبت فوگـه اتشمه
صاحت گوم يايمه
جزاج السوم وافيه
على المظلوم واويـلي على حسين
امودع غربت عينه
وحان من العطش حينه
روحي النهر يسكينه
وجيبي گطرة اميه
ابوچ من الضمه لهفان
من سابع واهو عطشان
چوته ذبحة الشبان
وزيد حرمه الچيه
ونادت والدمع مسفوح
يالمداوي نزف الجروح
اذا تنفع اخويه الروح
خذها يامداويه
على المظلوم واويـلي على حسين
_____________________________
تحميل Mp3
رد مع اقتباس
المشاركة الأصلية كتبت بواسطة انثى مخمليةة
