مثل راسك متوني الطفلك اتنگط
مثل راسك متوني الطفلك اتنگط
كاغد رگبته وسهم الحجي يشخبط
طفل مــا حفظ وجه الگاعد يگمط
(بس حافظ وجه الرمايه)
يجي بــ عيوني راسك لو شفت صندوگ
العين بلا جفوف وتكمش المبيوگ
رقيه تگــلي ... عمــه ... عمــه
اشتم ذهب بالسوگ
(فليني ارد اخذ ترچيتي)
وياهــو يفلها واحنه مجتفين بــ دم
ويكظها الحبل كلما بدت تشتم
عرفنا الباگها بس گمنا نتشتم
(وشتمنا البيده الترچيه)
بــ خرابه الليل كل اطفالي فوگ الكاع
يرسمن حظن ويمسحن رمح ووداع
وحده تگل للخرى ارسميني امتاع
(بلكي من ايجوع يكض ايدي)
وعلى صوت البجي گام الصبح يگعد
وگام الراس من عيونهن يلبد
وحدتهن تشــگ الگلب من تنشد
(شتگلها المــا تعرف راسه)
حسام الحمزاوي
رد مع اقتباس