كلشي انتهى ومات الوفه ونسونه
البيهم چنت راية بخت جفونه
مشو جفو..هلي
كلهم گضو..شلي !
البيهم چنت راية بخت جفونه
______________________________
بعد ماخلصت بعيوني اوداع يـهلنه
تطشر مثل طشت ماي بالگاع شملنه
مالحگت صاير يمشي ابساع وكتنه
ينشد گلبي يمكن يا گلب ضـاع تعبنه
تعب دمع..بعيوني
غربه الأهل..جفوني
البيهم چنت راية بخت جفونه
______________________________
يـماخذ كلشي رد للعين يـوحيد نظرهه
الخذه كلشي الوگت من عدها شـيريد يضرها
أحسبها الفاجده وتلاگي العيد عصرها
التربي ولد يمدلل اتريد ذخرها
بعد كبر..ورانا
چن الولد..نسانا
البيهم چنت راية بخت جفونه
______________________________
ساعه انطيني من وكتك يجسام ييمه
امبارك خل أزفك وارفع الهام ييمه
المضيف الحسن زفة ابين الخيام ييمه
اعله راسك بني هاشم تنشر اعلام ييمه
ابعرسك گمر..يزفك
ثوب الحسن..يلبسك
البيهم چنت راية بخت جفونه
______________________________
بيد كل الضوه خيمتها ترجاك يجاسم
يبن كل الهله منتظره ملگاك يجاسم
گلها امبارك وراويها مگفاك يجاسم
گلها الحومه عرسي اتزفني اهناك صوارم
دم عطش..عرسنا
سحگ طعن..يزفنا
البيهم چنت راية بخت جفونه
______________________________
گبل لا تمشي منك رايده الشور يتعبي
عگبك راح اصيرن عاشگه اگبور يتعبي
احچي اوياي سولف گلبي مكسور يگلبي
الـها يمه افگدته وافگدت صار واطلبي
وفي ودفو..گعدته
ابني الشهم..فگدته
البيهم چنت راية بخت جفونه
______________________________
كلمات الشاعر :~ حيـدر الحمـدانـي
______________________________
تحميـل Mp3
رد مع اقتباس
المشاركة الأصلية كتبت بواسطة انثى مخمليةة
