هنا

[فقار الكرخي]

هاي زينب ياهو شاف خيالهه
وجانت عيون الكمر تبرالهه

هاي زينب بت علي واخت الكمر
لون تعطش جفه يتحول نهر
بالشرف والعفه نبراس الدهر
واالخصال اتعيش كلهه ابجالهه

جان جار الهه وسكن ذيج البيوت
يكول جنت سنين عل منزل افوت
يكول والله مسمعت للحره صوت
وما عرفت بيوم شنهي احوالهه

جان ابو فاضل بكل ايامهه
وره يمشي وما مشه جدامهه
حتى يمحي كل اثر لجدامهه
خاف واحدهم يشوف اهلالهه

والضعن يوم التعنه الكربله
جان ابو فاضل جفيل العايله
بزوده جانت زينب اخته امدلله
والنعم من الكمر كفـّالهه

اتحجبت بالطف بذيج اعمامته
اتعنـّه يمهه وكبـّعاهه بصايته
وعلك خلت بيدهه من رايته
هاي زينات الزلم وفعالهه

يبو فاضل ها يسبع الكنطره
لون تدري من طحت شنهي الجره
اختك بأيد الاعادي ميسره
والعده خلوا بديهه احبالهه

طلعت وشافوهه اشباه الزلم
ادري هاي الجلمه بيهه تنلجم
تنظرب بالسوط ويلي وتنشتم
والشمر عكبك صبح جمّالهه

[❥ ᒪɹ̈ɹ̤ȷɠ✿ɹ̤ɹ̇ɹɹɹ]

احسنت لنشر

[جہٰۧﹻۧﹻﹻٰٰﹻ۬ﹻوجہﺂيہٰٰهہٰۧ]

احسنت

[أستثنـآئيـّةة❤️]

عاشت ايدك