هنا

[الـسُـلـطَـانـة♡]

مجرد وقت حتى يسيطرون ع الوضع
بيهم مندسين وحقج سلطانه

ياوقت وامس بس العصريه وگعو 5

امس ضابط يگله اخوي ليش متدخلون ديقتلون بالناس يگله ادري وهسه همه فوگ بالمرقد لازمين قناصات منكدر نسوي شي خلوهم لاتتقربون يم المجسرات! ه̷̷َـَْـُذآ ضابط وهجي يحجي بعد منو اليسيطر ع الوضع لْـۆ محافظنه ههه

[تشيللو]

الحرك سببه صراع بين المجلس الاعلى والحكمه
المنشقة منه ... دعواتنا للمتظاهرين بترك المراقد والممتلكات حفاظا على ارواحهم ... كما قال تعالى
: ( وَأَنْفِقُوا فِي سَبِيلِ اللَّهِ وَلَا تُلْقُوا بِأَيْدِيكُمْ إِلَى التَّهْلُكَةِ وَأَحْسِنُوا إِنَّ اللَّهَ يُحِبُّ الْمُحْسِنِينَ ) البقرة/195

المرقد ليس جهة حكومية او مؤسسة حزبية
التزموا بما اوصت به المرجعية والا تكون العواقب شديدة

هم الف رحمة ع والديك رماد

[رمـْـْْـْــــــــآڊ]

الحرك سببه صراع بين المجلس الاعلى والحكمه
المنشقة منه ... دعواتنا للمتظاهرين بترك المراقد والممتلكات حفاظا على ارواحهم ... كما قال تعالى
: ( وَأَنْفِقُوا فِي سَبِيلِ اللَّهِ وَلَا تُلْقُوا بِأَيْدِيكُمْ إِلَى التَّهْلُكَةِ وَأَحْسِنُوا إِنَّ اللَّهَ يُحِبُّ الْمُحْسِنِينَ ) البقرة/195

المرقد ليس جهة حكومية او مؤسسة حزبية
التزموا بما اوصت به المرجعية والا تكون العواقب شديدة

انا من اشد المعارضين للاحزاب انا جزء من هذه الثورة لكن اكو محددات لازم نتقيد بيها حته ننجح ونوصل بر الامان
تيار الواسع والعريض او سرايا عاشوراء
مسلحين وارهابيين من الصنف الاول لكن اذا اردنا مواجهتهم راح ننهي وجودهم بسلميتنا
مثل اليوم اخوانا بالناصرية كلنالهم ابتعدوا عن مديرية الشرطة احنه بالبصرة شفنه التجربة قاسية بعام 2018 خليكم بمواقع معينه وحاولوا تضغطون بالعصيان المدني لانه الحل الوحيد

[عمار حسين]

الرحمة والخلود للشهداء

[Secluded]

هذا اكثر فيديو انقهرت وبجيت من شفته البارحه
يقهر

[فضاء.]

#iraqisodachallenge.
الناشط الامريكي جون فيلسون نشر هذا التحدي وكتب:
"تخيل ان تضربك رصاصة بحجم علبة الصودا...اذا احببت ان ترى قوة الارادة البشرية بوجة اللاعدالة انظر الى الشباب العراقيين الذي خرجوا للتظاهر بصورة سلمية منذ بداية تشرين مطالبين بالحقوق والعدالة وفي المقابل يواجههم النظام بالقتل بابشع الطرق...شاركنا
تحدي علبة الصودا وادع أصدقاءك للمشاركة"

[Secluded]

نشالله توصل الفكره

أوگيـ Ok ـٍہ

[عمار حسين]

صفحات تقول انه تم حرق مرقد الشهيد محمد باقر الحكيم
سؤال نفس الصفحات قالت هناك محتجزين او اسرى والمتظاهرين بقرب المرقد تريد اخراجهم
لماذا قاموا بحرقة اذا كانو هناك محتجزين
.
هل هذه بداية تصفية الحسابات
واذا عمت الفوضى والتخريب ستعم على الشعب باكملة سوف لاينجو منها أحد فقط الفاسدين فهم مرتبين أوضاعهم تماما
وهذا ما نتخوف منه من دخول المندسين

[غرور]

ذولي يردون يسقطون المحافظه لان اكو سجن بالناصريه اسمه سجن الحوت بي 6000 داعشي اذا سقطت المحافظه ذولي راح يطلعون ويسيطرون ع الجنوب يعني باختصار يردون يرجعون داعش

#الناصريه

[غرور]

منشور من احد المتظاهرين امام مديرية الشرطه. شباب فدوه اروحلكم كملوهة للاخير وشاركوهة كلكم
شنو الي صار بالناصريه قبل شويه!
وداعه امي وروح كل شهيد طاح بالعراق مامجذب بكلمه وحده
متجمعين يم باب المديريه وناس تصيح نحرك وناس تشمر طابوك وناس واكفه بوجهم تصيح يولد لاتحركون والله تتأذون من ضمنهم شرطه والله العظيم ضلو يبجون يصيحون حرام تموتون
بهالأثناء نفتح الباب فجأه طلعت قوه ترمي بجميع انواع الاسلحه الي يموت الله يرحمه والي ينلزم لو يتكسر لو ياخذو يمهم
الشباب شردت نص دخلت ببيوت نص ماتدري وين تروح انا ضليت بالنص حاير وين اروح اجه شرطي فتح باب صغير بالمديريه
تعرفون شنو المديريه! يعني نفسه الي رمتنه كال دخلو وبشاربي اذا صارلكم شي
دخلنه بينه 20 واحد ضمنه بغرفه كال اذا تموتون اموت وياكم
دخلنه احنه والرمي والاسعافات تجر بالجرحه والموته
كلناله ليش دخلتنه هنا وانتو تكتلون بينه
كال وحق الحسين هنا قوه بالمديريه مانعرف حتى احنه منين جايين بحيث احنه الشرطه والضباط مالتنه مانكدر نحجي وياهم
المن ذولي!
كال عدنه بالمديريه سجنين واحد بي معتقلين والثاني بي ارهابيين قيد التحقيق
يعني اذا صار شي بالمديريه ذولي كلهم يطلعون ومستحيل هالقوه تخلي احد يوصل للمديريه لو تتكتل هاي الشباب كلهة
بهالاثناء جابو 3 بس مابيهم شي صاحي شنو ذولي!
ذولي 3 صاعدين بسياره اسعاف على الاساس ينقذون بالناس
بس همه مسلحين يدخلون بشارع المديريه يرمون على الجيش والشرطه في سبيل يأزمون الوضع
طلعو هوايتهم ثنين ايرانيين وواحد ماعرف شنو بس موعراقي
فياشباب وحق الحسين الي جاي يصير بالناصريه شغلات تصفيه ويردونه فعلاً نتكاتل بيناتنه
اتمنه كل شريف يشارك وخلي هاي الشباب ترجع للحبوبي لان راح يصير دم هواي ومحد يخلص وعلي
الصوره من داخل المديريه لان ماخلوني اصور شي