اسمحيلي ابينلج وجهة نظري بموضوع التعييناتالمشاركة الأصلية كتبت بواسطة غرور
اني ضد فكرة ان يكون كل طموح الشاب هو التعين ، صدگيني هذه الحالة ما راح تخلقلج جيل مُبدع لان كل واحد راح يكون كل همه انه يخلص دوامه ويرجع لبيته وهو هيچ هيچ ضامن الراتب نهاية الشهر ، المشكلة فكرة الاشتراكية ترسخت بعقولنه و صارت احلامنا كلها تتمحور حول وظيفة و راتب اكو مقولة حلوة عن هل موضوع ما اذكر نصها بس يگلج الراتب الي تتقاضاه بنهاية كل شهر هو ليس سوى اغتصاب لحلمك و تقييد طموحك ، چان الافضل ان نطالب بتفعيل القروض للمشاريع الصغيرة بدون فوائد عالية و تدعيم القطاع الخاص حتى الشاب يعتمد ع نفسه مو على الدولة لان اليوم احنه نصدر نفط ونگدر ندفع رواتب بس بعد خمسين سنة راح يخلص النفط منين نجيب رواتب ؟
اما قضية تغيير النظام فـ هي شيء مستحيل لان احنه دا نعمل بـ افضل نظام من الناحية النظرية و لكن اكو خطأ بالتطبيق لذلك اقترحت حل البرلمان و تعجيل الانتخابات شرط يكون تعديل بنظام الانتخابي
