افتتاح مبارك
افتتاح مبارك
رأي خلاص ونجاة العراق بترك النظام البرلماني والتحول للنظام الرئاسي
شنو مصلحة إيران ؟؟المشاركة الأصلية كتبت بواسطة Ahmed Alkraawi
إي هُمَ صح خطيه
أصلا كلش خطيه وكلش تألمت عليهم وجنت مأيدتهم بس من بدت أعمال الشغب آني صرت ضدهم
وأكرر إن خطأ يحركون علم أي دوله من الدول, مُشكلتكم ويه الحكومة شعليهه الدول المجاورة
ميهمني علم أي دوله حركو, المهم إن هُمّ حركو علم دولة
أوكف فقارالمرجعية هي السبب الرئيسي في الوضع القائم .
منو الشجع العالم على انتخاب قائمة الشمعة
منو الشجع الناس على التصويت على الدستور169
منو اعضاء لجنة كتابة الدستور
مو احد اعضائها وكيل المرجعية
منو اليكدر يكبح جماح الاحزاب غير المرجعية
منو اليكدر بفتوى واحدة يشيل الشرعية من الحكومة
اين الأمان الذي يجب ان تقودنا له المرجعية .
اني غير متعلم . وفقير
وبالتالي من اطلع مضاهرة ما اعرف شنو اريد وشنو اسوي
والمرجعية بأعتبارها وكيل الأمام المهدي عج يجب ان توجه الناس على الطريق الصحيح
مو تستنكر وتدعو الناس تعالو صلو وتعالو الطمو
اطفالي ماتو من الجوع شنو اوكلهم ؟
اني الفقير صوتي ما مسموع
المرجعية صوتها مزلزل . ليش ساكتين
يعني اكيد تعرفون مكامن الخلل وين احسن مني شنو منتظرين
الفساد والاصلاح هاي كل خطبة نسمعها
يا أخي كول فلان شخص وفلان حزب وخل الناس تعرف
انت مو جدك الحسين
الحسين مو طلع ضد الظلم حتى يصلح في امة جدة رسول الله
انت شمنتظر النجدة ؟
يا اخي لا تطلع انت وعائلتك مثل الامام الحسين
بس احجي انطي فتوى على التشوفة صحيح
زين اذا لنفرض كل الأمور صحيحة وميحتاج فتوى
ليش بكل خطبة نسمع منكم الفساد والاصلاح ؟
برأيي المرجعية بشرط نزاهة المحيطين بها
هي من تستطيع اصلاح الأمور في الوقت الحالي
واذا استمرت هذه الاوضاع
متأكد في القريب العاجل لن نجد من يستمع او ينهض لأي كلام يصدر منها
بسبب خذلان الناس
مشكور دكتور عالطرح الموضوعي
لتخلط الأمور
المرجعية شعليهه
أتحداك تجيبلي فتوى موقعه من أحد المراجع تكول انتخبوا القائمة الفلانية أتحداك
ومن الأساس تره هذا مو شغل المرجعية
كلشي وذبيتو براس المرجعية والمُعممين
تدري بيه لا مؤمنة ولا مُتدينة, بس آني ما أحب أحد يحجي عالناس ولا أحب واحد يحمل مجموعة مسؤلية الأخطاء
المرجعية تره سلطتهه الفعلية عالأمور الدينية بس
لتخلط الأمور فقار
ماكو أحد كال أنتخبو القائمة الفُلانية
وللعلم, تره سيد علي أفهم مني ومنك وهو يعرف شلون يتصرف, لتحمل المرجعية مسؤولية أخطائك
المرجعية هي إلي انتخبت هذوله الناس إلي هسه متولين السلطة ؟
هلا بالغالية الصديقة الاحبها فواطمأوكف فقار
لتخلط الأمور
المرجعية شعليهه
أتحداك تجيبلي فتوى موقعه من أحد المراجع تكول انتخبوا القائمة الفلانية أتحداك
ومن الأساس تره هذا مو شغل المرجعية
كلشي وذبيتو براس المرجعية والمُعممين
تدري بيه لا مؤمنة ولا مُتدينة, بس آني ما أحب أحد يحجي عالناس ولا أحب واحد يحمل مجموعة مسؤلية الأخطاء
المرجعية تره سلطتهه الفعلية عالأمور الدينية بس
لتخلط الأمور فقار
ماكو أحد كال أنتخبو القائمة الفُلانية
وللعلم, تره سيد علي أفهم مني ومنك وهو يعرف شلون يتصرف, لتحمل المرجعية مسؤولية أخطائك
المرجعية هي إلي انتخبت هذوله الناس إلي هسه متولين السلطة ؟
اني هم اتحداج تجيبيلي فتوى موقعة بالجهاد الكفائي ؟
هم العالم ماشافت توقيع وطلعو للموت ركض .
الحاكم الشرعي يتحمل مسؤلية قول الفصل والحق في رفع الظلم عن المسلمين
والا النبي هم جان كعد وسكت بس عليه بالأمور الدينية
ليش خلة المسلمين يشبعون معارك وموت
غير حتى يسود الحق والعدل بين المسلمين ؟
اني من يحطون صورتي بقائمة
ويدعون الناس لأنتخابها واني ساكت
شنو معناها غير مؤيد الهم
جان طلع وكال ترة ما اعرفهم ومالي علاقة بيهم
واذا هو على كلامج افهم مني ومنج جان وجه الناس وكال انتخبو فلان شخص بأعتبارة يعلم بالغيبيات حسب قول الكثيرين
فطومة الغالية
الحقيقة مرة ومو ياهو اليجي يكدر يهضمها
العراقيين صارو مثل بلاع الموس
الموس صار بالزردوم
لا نكدر انطلع الموس راح يجرحنه
ولا نكدر نبلعه لأن وين راح يروح
وعلى هالرنة ساكتين
ما أدري شأحجيهلا بالغالية الصديقة الاحبها فواطم
اني هم اتحداج تجيبيلي فتوى موقعة بالجهاد الكفائي ؟
هم العالم ماشافت توقيع وطلعو للموت ركض .
الحاكم الشرعي يتحمل مسؤلية قول الفصل والحق في رفع الظلم عن المسلمين
والا النبي هم جان كعد وسكت بس عليه بالأمور الدينية
ليش خلة المسلمين يشبعون معارك وموت
غير حتى يسود الحق والعدل بين المسلمين ؟
اني من يحطون صورتي بقائمة
ويدعون الناس لأنتخابها واني ساكت
شنو معناها غير مؤيد الهم
جان طلع وكال ترة ما اعرفهم ...
مصدومة
افتتاح موفق
كل الحلول الي ممكن تصير هسه هي ترقيعية لان مستحيل يجي شخص يگدر يغير وضع العراق بين ليلة و يوم
لكن ابسط النقاط الي كان من المفروض تنطرح كـ مطالب عاجلة هي
١ _ تعديل الدستور
٢ _ تعديل نظام الانتخابات
٣ _ حل مجلس النواب و تعجيل الانتخابات و لتكن في موعد انتخاب المجالس المحلية (٤/١)
٤ _ حل الحكومة و تقديم القائد العام و وزيري الدفاع والداخلية للمحاكم الجنائية بسبب سقوط الضحايا
و الباقي يتضح بمرور الايام
عذرا للمداخله رامي بس ليش ترقيعيه ليش ماتعتبرها نقطه بدايه .. الشعب بالاول طالب بالحقوق وتعيينات وهلشغلات لبسيطه
بعدين انقلبت الى تغيير نظام وشي
وهم بدوا بتحقيق لمطالب بنسبه قليله
والنقاط الي ذكرتها واذا رجع احد ذكرها وطلع لشعب يطالب بيها ف نحن بالهاويه
هلشغلات صعبه تقريبا
فواطم اذا تسمحيلي حاب اعلق على كلامك و اعتذر اذا هذا الشيء يزعجك
تفضلتي انه المرجعية ما تغلط و دائماً كانت ع الصواب ، زين انتِ تعرفين ان المرجعية هي ما تمثل شخص السيد السيستاني فقط ؟
بمعنى ان المرجعية العليا هي المتمثلة بالسيد السيستاني و السيد الحكيم و الشيخ الفياض و الشيخ النجفي
ومن يطلع تصريح من احد المراجع معناها هذا كلام المرجعية كـ كل و متفق عليه من قبلهم والا لازم واحد منهم يطلع ويگول هذا الكلام ما يمثلني ، وانطيج مثال على خطأ المرجعية عندما دعت لـ انتخاب عمار الحكيم في ٢٠١٤ و وصفتهُ بـ ابن المرجعية ، لو تعتبرين الشيخ النجفي ما يمثل المرجعية ؟
كذلك اياد علاوي يكول سيد عزيز الحكيم اجاني من چنت رئيس وزراء و گلي انقلك رسالة السيد السيستاني انه لازم نسوي تحالف شيعي و نوحد الجهود في الانتخابات ، تگدرين تراجعين كلام علاوي ع يوتيوب و الاشخاص الي چانوا شهود اكثرهم لازالوا ع قيد الحياة ، كذلك دعاوي ممثلين مكتب السيد السيستاني في انتخاب (٣ شموع) وصلت الى التشكيك بالعرض لمن لا ينتخبهم
المغزى من كلامي المرجعية اشخاص غير معصومين و يقعون في الاخطاء ، ولا ينبغي علينا ان نعطيهم صبغة العصمة و الحكمة في كل المواقف ، نحن لا نشكك بدورهم في حقن الدماء ولا نشكك بوطنيتهم ونزاهتهم و لكن المرجعية في وقت ما كانت من مُسببات الاخطاء و هذا الشيء لا ينكره عاقل
