هنا

[فضاء.]

محمد إقبال بزمنه كل سنة يغير منهج وصعوبة بيه وبقيمة 400 مليار !
بهذا الفساد الكبير وهو ينشر انه مع المتظاهرين والمشكلة التعليقات احسنت دكتور واحسنت ومن هذا الخريط الزين

اللوگية ميگعدون راحه، متشوفنه وصلنه لهل حاله من ورا هيچ نماذج..

[عمار حسين]

طباعة بالعراق الكتب وكل مدارس العراق كلفت 65 مليار
.
كم الفرق بين حجم
السرقة
ان شاء الله واحد واحد ينسحل للمحاكم

[عمار حسين]

الرياضة ايضا تدخل في السياسة
يعني اليوم انطو 8 دقايق بالرغم هذا الوقت جدا كبير ولم يحدث قبلها
لماذا العراق هكذا يستهينون بيه!
وراح استشهد على جماعتنا
منو يذكر المنتخب العراقي والكويتي
من صارت ضربات جزاء وهوار ملا محمد ضيع الجزاء وارتفعت عاليه كالو وصلت للبصرة وكذا وتحشيشات
اذا ترجع للعلة هي جانت اكو خلافات بين المركز والاقليم وكل الشعب خاف من هوار آنذاك وحدثت الخسارة

[عمار حسين]

شعب يريد فتوة من السيد السيستاني ، وهو فتوة عدم رمي اطلاقات نارية ما يلتزم بيها .

[رمـْـْْـْــــــــآڊ]

شعب يريد فتوة من السيد السيستاني ، وهو فتوة عدم رمي اطلاقات نارية ما يلتزم بيها .

صحيح

[حہيہدر الہبغہداديہ]

في كل يوم يخرج علينا رئيس الحكومة ومعه أجهزته الإعلامية والأمنية وهم يحذرون العراقيين من خطر اسمه "التظاهرات"

وكيف أن أصحابها يريدون أن يهددوا الحياة الهانئة التي تعيشها مدن بغداد والبصرة والأنبار وميسان والحلة
وقرأنا سيلا من البيانات والشتائم تطالب بتطهير العراق من هذه الزمر المتآمرة على مستقبل البلاد
وسعى البعض إلى إيهام الناس بأن المشكلة ليست في غياب الخدمات ولا البطالة
ولا في أرتال الفاسدين الذين يعششون في معظم مؤسسات الدولة
ولا في غياب أبسط شروط العيش
وإنما في أعداء النجاح المتربصين للانقضاض على المكاسب التي حققتها حكومة عادل عبد المهدي بفترة قياسية!
حفلة القتل تفسر جنون السلطة في الدفاع عن الفشل فنحن في ظل جماعة تريد الحكم، لكنها لا تملك غير الاستبداد
وهي في الوقت الذي تخوض فيه معركتها المظفرة ضد شباب التظاهرات نجدها عاجزة عن توفير أبسط شروط الحياة الكريمة للمواطنين
لم يعد يكفي أن يقرر مكتب رئيس الوزراء
أن لا مكان للمتظاهرين في جمهورية "عادل عبد المهدي الديمقراطية الشعبية الاتحادية".

[Scrap]

حكومة فاسدة واي واحد يدعمها ف اكيد فاسد مثلها
ع اقل تقدير ممكن تستقيل حتى تحفظ دماء الشباب والقوات الأمنية
بس بما انه الذيول وراهم ف شغلتهم يرادلها صبر وان شاء الله ما بقى شي يوم بعد يوم د يزيد الاضراب بدوائر الدولة وهاي اكبر ورقة ضغط ع الحكومة حتى تستجيب للمطالب

[رمـْـْْـْــــــــآڊ]

بمناسبة المندسين ... نتمنى مشاهدة هذا الفديو
..
https://www.facebook.com/M0hammadAls...2236848712494/

[عمار حسين]

حال المعلم الآن
واحد يگول وآني طالع من البيت شافني واحد من جواريني گلي رايح للدوام مو....
مع الاسف عليك الناس نايمة بالتحرير وانته خايف ع نفسك و داوم
يگول شفت كلامه معقول وحسيت بالتقصير أمام قضية الوطن...
غيرت المسير قاصدا ساحة التظاهر ولكن

صادفني جاري الثاني ابو هادي ورفع صوته معاتباً وگال
انت مو تاخذ راتب هذا راتبك حرام ببطنك وبطن جهالك عايف واجبك ورايح تتظاهر وعايف الطلاب ورايح تطگطگ صور
گتله حجي الوطن أهم....
گال تگدر تتظاهر ورا الدوام وحتى بالدوام توجه الطلاب و هاي فرصة تغرس حب الوطن بگلوبهم .
گلتله حجي كلامك عين العقل وقنعتني ربي يبارك بيك
وغيرت المسير مرة اخرى ذاهبا للمدرسة
وبعد اكمال الدوام ذهبت الى ساحة التظاهر مطالباً بحقي وحق اخواني وشعبي ومساندا لمن سبقني بالمشاركة رافعاً صوتي بالاهازيج الحماسية
وبينما انا كذلك همس بأذني احدهم وگال
بطل سوالفك انت الصبح ويه الحكومة والعصر بالمظاهرات هاي الكلاوات ما تعبر علينا مسوي روحك وطني خليك صاحب موقف مو رجل هنا ورجل هناك
فقررت الانسحاب من الساحة متجهاً صوب البيت
واثناء المسير التقيت بصديق قديم لم اره منذ سنوات وبعد التحية والسلام والحديث عن الاوضاع قال ساخراً
شفتك تصيح وخابص روحك

[انا و كفى]

شيوخ ووجهاء وسط وجنوب العراق
يوجهون #نداء للمرجع السيستاني

بسم الله الرحمن الرحيم
وقفوهم انهم مسؤولون .. صدق الله العلي العظيم

#نداء عاجل للمرجع الاعلى السيد السيستاني أدام الله ظله

مرجعنا المفدى نحن جمع من موظفي ووجهاء وشيوخ وسط وجنوب العراق، والذين عاهدناكم اننا سيوف بين أيدي سماحتكم من اجل العراق ولبينا نداءاتكم من 2003 لغاية اليوم وقدمنا تضحيات جسام وكل ذلك فداء للوطن ولكم.

اليوم نناشدكم من الباب الشرعي والانساني ان يكون لكم موقف مما يجري من حالة انهيار الدولة وانعدام القانون واطلاق يد العصابات والمافيات واصحاب الاتاوات تحت غطاء التظاهرات.

سيدنا المفدى مرجع الانسانية نعلم جيدا أن السياسيين ملئوا قلبك قيحاً وأحزابهم عاثت بالارض فساد ودمار وفقر، وانت تريد تأديبهم وتريد للناس ان تطالب بحقوقهم.لكن بات الامر مكشوفا لسماحتكم وعليك الطلب من وكلاء ومعتمدي سماحتك ان يعطوك حقيقة مايجري بمحافظاتنا فالامر لا يتحمل مزيدا من التأخير ففي كل لحظة تسفك دم بريء وتروع عوائل وتحرق الدور والدوائر وتقطع الطرق العامة وكل ذلك من باب الفقه والشرع يأتي من باب حفظ النظام العام الذي يتوجب تدخلكم.

سيدنا المرجع نحن ابناء العشائر اسلحتنا جاهزة وارواحنا مستعدة للشهادة فأذا يتطلب الامر نحن نواجه الاحزاب والفاسدين ونبعد كل من يستغل التظاهرات ليحصل على المال والمناصب.

نعلم سماحتك ان الموظفين يهانون والمعلمين والمدرسين والاساتذة والاطباء وغيرهم يشتمون يوميا ويهددون ومنهم من تعرض للضرب والاذى ، مشاريع الخدمات جميعها تعطلت في الجنوب واموالها ستذهب للمحافظات الامنة ، نحن في ضياع ولا حل في الافق الاجهزة الامنية انهارت وأنهانت وهي تريد من يحميها لا هي من تحمي الناس وتفرض القانون.

نناشدك عاجلاً ان توقف نزيف الدم وتوقف الفوضى والله الحرب الاهلية قادمة ولا احد ينجو منها.

اللهم انا بلغنا اللهم فأشهد ..
جمع من شيوخ ونخب ووجهاء
الوسط والجنوب.