عيوني ماغمضت تره امن البارحه ، شعر حسيني
أي وحكَ دمعات عيني السايحه
عيوني ماغمضت تره امن البارحه
وحكَ دمعة فاطمه صعب الي صار
ماكَطعت الدمع لا ليل ونهار
خويه من النار اجر بيدي الزغار
وهاي عثرت ذيج تركض رايحه
شلون اغفى وكَلبي متحمل قهر
وآنه كل ساعه انسى واندب ياكَمر
اخ لو اكَدر اموت اعله النهر
ولا تضل صوبه النواظر شابحه
جبت من الخيم قطعه وبيهه اشم
عطر جف عباس كافلني الشهم
اخو زينب يرد يم زينب حلم
عليه كل شويّه اضلّن نايحه
خويه ينفع زينب اختك ياصبر
وآنه بعيوني شفت ذاك الشمر
يكَلّي زينب شوفي كاعد عالصدر
مهجة امج بيدي آنه الذابحه
درت وجهي وماكَدرت انظر اله
كَتله عيفه الذبح ما اتحمّله
كَال اروعج بيه الّه بكربله
عليه كل اشويه انصبي الفاتحه
راد يضربني واجه بالسوط الي
كَتله حكَك لان ماهو كافلي
الحرمه من غير الاخو حكَ تنولي
ضحك حيل الضحكه كلش جارحه
جاب راسك يمي كَلي اتروّعي
صحت خويه حسين ويهل مدمعي
لو نعيت الدهر ميفيد النعي
الزمن عالسوّاه الله يسامحه
احضنت راسك وامسحت عنّه الترب
اختلط دمعي وي دماك الّي يصب
صحت راح انروح عنّك للغرب
ادري صعبه من اكَلّك رايحه
م
رد مع اقتباس
