هنا

[فقار الكرخي]

شلون ادفن والدي الضل عالترب
وآنه عندي الهل مصيبه اشجم كَلب
شلون امسح دم وريده الي يصب
والله هذا الموقف عليه صعب
بالنوح بالنوح بالنوح ادفن والدي

آنه عفته عله التراب بلا غسل
وعفت دمعي عليه يعالم يهل
ادفن أبأيدي المرمّل موسهل
شلون بالله بهاي من ابقه عدل
بجروح بجروح بجروح ادفن والدي

آنه تدروني عليل بكربله
ورحت آنه ايسير وي العايله
بعد ثلث ايام راح ارجع اله
والدموع التجري هاي اتغسّله
مسفوح مسفوح مسفوح ادفن والدي

ارد المّنه لان جسمه وذر
وارد انشّف دمه من ذاك النحر
وارد اضمّد ضلع صدره الي انكسر
وأرد اشوف شلون صاباه الحجر
مذبوح مذبوح مذبوح ادفن والدي

ارد اوسده بحفرته واجري الدمع
وارد ارجّع خنصره الي منكّطع
جروح كَلبي عليه حتمن تتسع
واذكر اعله الرمح راسه مرتفع
مجروح مجروح مجروح ادفن والدي







الشاعر محمد حسن ضيغم

[ســـــجـــــودي ﹩ʝ☹]

شكرا على نقل
فقار

[فقار الكرخي]

نورت يالغالي

[انثى مخمليةة]

كالعادة ابداع رائع وطرح يستحق المتابعة
​شكراً لك