بدروس الوطن حاجاني مره استاذ
وكَـلي اكتب عراق وهاك طبشوره
كتبت اسم الوطن لوحة للتاريخ ...
وحروفه اكتبتها بأجمل أسطوره
بس حطلي المعلم غلط بالتصحيح ...
.........وعالعين لوحظ شفت مأشوره
كَـتله ادري السبب والعله يالاستاذ
بخط اسم الوطن امثال مشهوره
ارد اكتب عَراق بفتحه فوك العين
وعيب اكتب عِراق بعين مكسوره
صفكَـلي المعلم جيد وممتاز
وكَـلي الفتحه تبقى بعين مسروره
حديقه اسم العراق بكل حروف البيه
وكل نقطه عله قافه اصبحت نافوره
ارد اكتب وطن فوق المسله اهناك
وكَـلكَـامش يجيه وتنحني اعصوره
سور الصين صح اعجاب بالتاريخ
واهرام بمصر للأن مأثوره
ميساون حرف من سومر وأور
ومن يشبه عراق بسومر وأوره
عجايب بالدهر سبعه معروفات
وحده الوحده بالتاريخ مذكوره
بس العدنه اعجب والحير الكون
كَـبة حيدره البالنجف مشهوره
رد مع اقتباس
