المشاركة الأصلية كتبت بواسطة فقار الكرخي
اوك سقطت الحكومة
منو راح يصير رئيس
يطلعون جماعة ئلسيد ويحطولهم واحد
ماسوينة شي ويرجع المكتب والبطة
نورتي يالغلا
هو هنا المشكلة بجماعة السيد
بس حالياً المتظاهرين خرجوا للمظاهرة بأنفسهم بدون لا سيد ولا بطه
واحنه ليش نبقى ع فرضية او احتمال مندري هل هو حقيقي او مجرد افتراض .. مو شرط نطلع نتظاهر يكفي نتكاتف وندعم
ولمن تسقط الحكومة ساعتها يحلها الف حلال
نورك
السلام عليكم ذور الفقار
طبعا متابعه موضوعك من اول مانشرته كنت اكتفي فقط بمشاهده الردود
لازم شوي نحجي فقار
كل من يكول احنا شعب جبان هذا ما شاف مراره الفقد وموت اخو او ابو ويبقه بلا ذخر بهالدنيه
لان صدك لأديه بالماي مو مثل الأديه بالنار ...تلكاهم ناس من جماعه احنا صدريه وعصائب ومسنود ظهره ميهمه لوضع مالت لعراق ان جان زين او شين بس بكل لاحوال ساندته لاحزاب او شي مو مثل هذول ولد الخايبه الي مالهم احد فقط صوتهم ومظاهراتهم .. عود بلكن ولعل تحن عليهم لحكومه وتلبي مطالبهم ..احنا واحدنا يطلع مظاهره وبصوت مسالم وتجيه طلقه بالكصه قناص بربك هذا جبان!! احب اكول لهذا ليكول علينا احنا شعب جبان او انت لي ماطلعت مظاهرات جبان .. تره لي ماطلع عنده اخوته بالمظاهرات كفو ووفوا وزياده واحدهم يدز اخوه للعمليات بسبب الاطلاقات ويرجع يتظاهر .واحدهم يدفن صديق واخو بالنجف ويبقه صامد ويتظاهر .. احنا حتى بناتنا ماخافن وطلعن وتظاهرن وي لشباب اي جُبن يحجي عليه هذا!!
لي تكمله,,...
احب اضيف الك فقار..أنت سمعت على لي ماطلع تظاهر وشي جبان .. اني سمعت ع الي طلعوا ورجعوا انتم خاينين ..خونه..
يابه شلون خونه ؟! انتم رضيتوا وتهاونتوا ع دم الشهداء بقبولكم المنحه ال150 الف
احنا ماعتقد بينا واحد همجي او جاهل عذرا حتى لامي تلكه تفكيره يفوق تفكير المهندس ... الي حجه هيج برأيك مايريد يهجم سقف العراق؟
ليش ماتكولون هالشي زين ورجع وضع العراق للهدوء وخلوا الناس تلتحق بشغلها ومدارسها تره هذا مستقبلك قبل ليكون مستقبلي من تبقه لمظاهرات نارها واصله لسما ويوميه فد 50 شهد والاف الجرحى ترى نهايتها مثل سوريا واليمن وليبيا دووووووووله منكوبه ..
اني مو وي الحكومه بس تره هم حقهم الحكومه او بالاحرى رئيس الوزراء تره هو شخص واحد وين يكدر لكل لأفات الي بالدوله والرجل سوه خطوات مهمه وبوقت فوق الممتاز تره انطه تعيينات هوايه لشهادات العليا ومنح واراضي وتثبيت كل المحاضرين هي بس هاي تسوه ...
بس كان المفروض من وزاره النفط ايضا تقف مثل هلموقف وتعين خريجي الهندسه مو فقط كلام عن تعيينات سابقه مالها صحه بالموضوع كله ..وبهذا تكون لدوله حققت فد شي لا بأس بيه يعني العافيه بالتداريج خلها تنطيين حقي وخلها تبوك شسويلها تره جذب نكدر نقلع لأفه والفساد من الجذور هاي بصراحه ...
من يجيني شخص يغير مسار التظاهرات كلها ويدعي بسقوط النظام والحكومه ..أي وشنحصل؟؟ صخام الوجه؟! وضياع المستقبل!؟
لان اكيد من تتغير الحكومه او الاشخاص تره يجون جماعتهم وجماعته حزبي وحزبك لان الشغله اكبر مني ومنك لشغله سياسيه بحته ومثل لعبه الشطرنج بالضبط فقط تتغير الاماكن ...
تعجبت ع منشورات شفتها قبل شوي كلها تداعي بتظاهرات مليونيه وره الزياره شنو الهدف منها ؟؟
انطوا شوي مجال للحكومه او اخر جنص
تدري ليش لازم ينطون مجال لان هسه لمظاهرات الي تجي ثق ب الله كلها وراها جماعه ئلسيد وفلان وعلان يعني مو تظاهرات مثل هاي عفويه وجابت ولو شوي نتيجه لابأس بيها ...
اتمنى من كل كلبي محد يشجع ع تظاهرات مره ثانيه وخصوصا بهالموعد الي انطلق لانها مدستره ومراح تجيب نتيجه ولسبب الاول انه كافي دم والله حرام .. كم عائله انكسر كلبها كم بنت تيتمت .. كافي دم
والله اني لو ترجعلي اقبل باغتصاب حقي بس ماتنهدر قطره دم وحده من شاب عراقي شريف ..
تحياتي ...
هو هنا المشكلة بجماعة السيد
بس حالياً المتظاهرين خرجوا للمظاهرة بأنفسهم بدون لا سيد ولا بطه
واحنه ليش نبقى ع فرضية او احتمال مندري هل هو حقيقي او مجرد افتراض .. مو شرط نطلع نتظاهر يكفي نتكاتف وندعم
ولمن تسقط الحكومة ساعتها يحلها الف حلال
نورك
طبعا احيي شجاعة كلامج الثورية
ونبهتيني على هواي امور جان المفروض
اضيفها بالموضوع
وكان ردج بالفعل هو ما ابحث عنه
امتنان كبير على هذا المرور الفطن
وعلى النقاط التي اشرتي اليها بذكاء
سلام لك من القلب
الجبان هو الي مثل البهيمة يهوس للرايح وللجاي
الجبان الي يخلي احد تاج على راس وخط احمر
الجبان الي يهوس وهو مايعرف شنو الصاير
الجبان الي يسولف اكثر ميسوي
الجبان الي يثبت على افكاره ولما يحاول يغير يعتبر نفسه جبان!!
الجبان الي يشوف غيره مظلوم ومتأذي وهو مستفاد
الجبان هو الي ماعنده غيرة ولاشرف
الجبان الي بعده حليب صدر امه نازل من حلكه وتلاكي مشورب
الجبان الي يستهزأ بدم الغير والي يتشمت بالغير
هذا هو الجبان
اما على تعميم لشعب كامل
فالشعب الي ينتخب نفس الشكول الزفرة ومايتعض فهو كلمة جبان كلش جبيرة بحقه ومدح
الشعب الي يقوده سياسي لو معمم وصخ ويكله فوت منا تعال منا فهالشعب اكبر جبان
مظاهرات هالايام اذا دلت على شي ف تدل على ان الي يقودونا هم الجبناء
كافي لواكات ومزايدات
دائما جنت اكول احنا شعب هوسجي
هوسجي لما نترك هالدماء الي سالت حالها من حال بول الكلب
وتصير هالثورة مجرد زوبعة
المشكلة كلام يطول واني نفسيتي متتلائم ويه سياسة المنتدى
شكرا الك فقار
اعصابك يمعود
قبل كلشي مفتقدك حيل وين هالغيبة
وعاشت ايدك
اخوية كلش هادي اني بس هي هاي مشكلتي اذا مااسد الفراغات ماارتاح
ماتفقد غالي عيني انت
إي والله جبان.. مرتين دكو بيا الناقصة جماعتي..
مرة كالولي الشارع فارغ بسرعة فوت، وعينك ما تشوف إلا السيارة إم الماي سوتني بوستر فلم على جسر المحافظة.. والثانية جبت ببسي وجيت هم لكيت الشارع فارغ بس هاي المرة ع الخفيف هراوة على الظهر وشوية دموع..
حسيت روحي أحمد حلمي بزكي شان شني هاي
مشكلتك اصدقاء السوء
نورت يالغالي
رد مع اقتباس