هنا

[فقار الكرخي]

شعب جبان ؟ لا يستحق الحياة .

هاي العبارة دائما اسمعها واقراها .


يا أخي انت ليش تغلط . منو جبان
يعني لو نظريتك للأمور صحيحة لو الشعب جبان ؟

زين يجوز اني مقتنع بالوضع القائم
يجوز وجهة نظرك مو صحيحة .

زين الشعب جبان . اطلع انت وغير الوضع لليعجبك ليش كاعد تغلط ومتدري بنفسك
زين الموت للرجال . انت التحجي شعجب عايش
هسة منو الجبان ؟
زين يجوز اني شبعت موت
انطيت تضحيات هواي وبعد ما اكدر اكمل المطالبة بالتغيير او المطالبة بالحقوق وانت نايم ابيتكم زين ليش تتهمني ب الجبان .تعرف ضروفي

انت بنظرك شلون يصير البطل ؟
فهمنا . اطلع انت صير النا قدوة وخل نمشي وراك ونتعلم منك
ليش تجي تغلط وتتجاوز على 40 مليون وتصفهم ب شعب جبان لا يستحق الحياة .


تعرف شنو معنى جبان ؟

ما فكرت اذا الاخوة من غير العراقيين من يقرون تعليقك او كلامك شنو راح ياخذون نظرة عن العراقيين ؟

هسة اني ماريد اتفلسف براسك
واكلك العراق بلد المدري شنو والبطولات وبلد شعلان ابو الجون
والفالة والمكوار وووووعالسوالف
هذني مالي شغلة بيهن
بس انت ليش تغلط علية ؟
تكول شعب جبان يعني شملتني بأعتباري واحد من الشعب

يا اخي من تريد تصرح
احجي عن نفسك ليش تحجي بأسم غيرك






الموضوع ما يقصد احد
وحبيت اناقش هاي الضاهرة وياكم
واسمع ارائكم



كل الردود تخضع للتقييم

[الرميثي]

كثير من الناس قصيري النظر
لايرون غير ما يتصورون هم بانه صحيح
وما عداه فهو غلط ويجب تصحيحه
وهذه النظرة الضيقة موجودة عند الكثير من الناس
وان شاء الله لايوجد بيننا في هذا المنتدى مَن يتصف بهذه الصفة

[YAĞMUR]

اكو ساحة اسمها التحرير روحو بيها وتضاهروو لاكاعدين ورا الكيبورد وتحجون وتلكاه الي حجاها هو االيخاف من عيطة ام ستوري جوارينهم

الله ينصر العراق واهله

شوكراا فقار

[Scrap]

خوش كلام فقار ... بس الي راضي ومقتنع بالوضع ( الشباب والناس التعبانة من العيشة وتشوف الي بالحكومة عايشين بالجنة الا شوية) معناها مستفاد والا شنو الشي الي يخلي ميطلع غير يكون جبان

[Larsa]

نعم الشعوب الخاضعة والتابعة لا تستحق الحياة وما من انسان يقبل" بالوضع القائم" ع كولتك الا يكون مستفيد او جبان فعلا.. غير العراقيين لن يحتاجوا تأكيد احد ليقولوا ان الراضي بهكذا ذل جبان الأمور واضحة، ثم اي ظرف هذا اللي يخلي الانسان متقبل هتك الكرامة" ومقتنع " ؟؟ الا اذا كان عديم كرامة أصلا وبوقتها ما يحقله يتحسس من كلمة جبان او اي اهانة

[انسان ثاني]

مع احترامي لكل الدماء الزكية التي سالت من ابناء شعبنا الباسل ان كانوا من المدنيين او القوات الامنية تغمد الله ارواحهم في الجنة ان شاء الله

انا شخصياً متضرر جداً من الوضع المزري في الحكومة الفاسدة و لكن لم اذهب للتظاهر ولم اكن مقتنع بـ جميع مطالب المتظاهرين ، قد نتفق على مكافحة الفساد و لكن مسئلة اسقاط النظام اختلف معهم جداً ، نحن كنظام دولة لا يوجد بهِ الصنم الواحد ولا الحزب الحاكم ، نحن لسنا مثل الدول العربية القمعية ، ان اردنا التغيير فعلاً كان ينبغي علينا ان نُغير في صناديق الاقتراع ، نحن دولة مدنية و للأسف من اوصل الفاسدين لسدة الحُكم هم المواطنين انفسهم ، نحن من ادلينا بـ اصواتنا وانتخبناهم ، و نحنُ منْ عزف عن الانتخابات الاخيرة و تركنا لجزء بسيط من الشارع مسئلة تحديد المصير في صناديق الاقتراع
الخُلاصة ان الدولة باقية و الحكومة مُتغيرة و اي ضرر يصيب الدولة نتيجته بالتالي تنعكس على مستقبل ابناء الشعب نحن لا نُريد الفوضى ولا نُريد القتال ضد ابناء القوات الامنية ، هذا الشيء لا يتحقق الا من خلال الانتخابات فقط

الخُلاصة ، لو كانت المظاهرات تُطالب بـ تغيير نظام الانتخابات و جعل انتخابات مُبكرة لرأيت الشارع كله ينزل و يُطالب بهذا الحق ، و لكن عدم هرمية المظاهرة و ضياع هويتها الحقيقية و غياب الاهداف الواضحة ، جعل الكثير يراقب عن كثب و من ضمنهم المتحدث ، كنت اريد معرفة ما الذي سوف يحدث من هذه الضجة !


تقبل رأيي صديقي فقار
الرحمة و الخلود لشهداءنا الابرار

[مؤرفين 'ۦ ']

واضح مو جبان !!
يعني ماهتزت لضماير
من شافو الشهداء والجرحى وبعد اسبوع كلهه تروح تقدم على منحه 150 الف دينار ل 3 اشهر !!

[فقار الكرخي]

كثير من الناس قصيري النظر
لايرون غير ما يتصورون هم بانه صحيح
وما عداه فهو غلط ويجب تصحيحه
وهذه النظرة الضيقة موجودة عند الكثير من الناس
وان شاء الله لايوجد بيننا في هذا المنتدى مَن يتصف بهذه الصفة

احسنت
نورت الكون

[فقار الكرخي]

اكو ساحة اسمها التحرير روحو بيها وتضاهروو لاكاعدين ورا الكيبورد وتحجون وتلكاه الي حجاها هو االيخاف من عيطة ام ستوري جوارينهم

الله ينصر العراق واهله

شوكراا فقار

مو بلة
ليش تغلط على شعب بأكملة

نورتي ام حمودي الغالية

[فقار الكرخي]

خوش كلام فقار ... بس الي راضي ومقتنع بالوضع ( الشباب والناس التعبانة من العيشة وتشوف الي بالحكومة عايشين بالجنة الا شوية) معناها مستفاد والا شنو الشي الي يخلي ميطلع غير يكون جبان

بس انت شمدريك بضرفة ؟
يجوز اخو وابو طلعو بالمضاهرات وماتو
وبقة هو الوحيد الاهلة وميريد يطلع ويموت
يعني اتهمة ب الجبان ؟
لو تريدة يموت وية الماتو حتى ما انعتة ب الجبان ؟



نورت الكون اخوية