هسه واسي حسين يل رايد اجر
المهدي يم الزهره واتهل عينه
ايكول وينه النصب موكب وينه
كبل ذبح حسين كلهه محزمه
كل محب شفناه ناصب مأتمه
وين المعزين ها يافاطمه
الشارع بلا موكب اتشوفينه
الفاجعه هسه بدت يهل العزاء
بعد ذبح حسين سيد الشهداء
اه والمحنه الاشد سبي النساء
سبي عمتي زينب ايبجينه
العشره اولى بيهه زينب بالخدر
وهسه زينب تبجي من ضيم اليسر
هسه واسي حسين يل رايد اجر
بنوحك اعله حسينه اتواسينه
كون منصوبه المواكب كل حين
من اول محرم لحد الاربعين
طول هل ايام صرخة ياحسين
ونحضر احنه بكل عزه تلكينه
اذا ما واحد نشاهد مأتمه
نسوي مأتم انه وأمي فاطمه
وتحضر الموكبنه املاك السمه
ويصعد المنبر علي والينه
وينكم يهل المواكب وينكم
عل رماح انشال راس حسينكم
حسينكم اصل الصلاة ودينكم
المايحب حسين خاسر دينه
كوموا نصبوهه المواكب كوموا
شكثر بيهه اسرار الكم شوفوا
وصيّه الكم للعزه لتعوفوا
عل مجالس الله شابح عينه
محمد حسن
رد مع اقتباس