يا كربله والليل اجه
ياكربله ومامش خيم
ماادري اسكّت بالطفل
لونشّف ادموع الحرم
ياكربله بلچن يرد
عالشاطي ويرف العلم
بلكن يشوف العايله
من عينه لو شال السهم
ياكربله حار الرمل
تچوين خد الّي غفى
وجرح المتن اصعب جرح
بگليبي دم ينزف صفى
مدري العتب للعلنهر
لوللندبح من الگفه
صيوان ذاك المشتعل
لسّه الجمر بي ما طفى
ياكربله راح اعتني
بالليل يم جرف النهر
والزم چفوف البي وفه
واندي يخويه ياگمر
آنه الاجيت بشيمتك
خلّيتني بضيم وقهر
مثل الحسين وكسرته
ياخويه مكسورة ضهر
ياكربله بثگل الجدم
اتعنه والمدمع دمه
لحسين اشم نحره اليصب
واندب ييمه فاطمه
ارد اشتكيله محنتي
وروحي التون ومألّمه
وارد اخبره شصار وسده
واطفالي كلها اميتّمه








م