اسم (عشرة محرم ) بس اسم صار
الحقيقه ايامنه كلها محرّم
لهذا اتشوف عدنه بكل الايام
مناحه اعله الحسين وعدنه مأتم
ومو بطراً نسوّي مأتم حسين
التعازي للگلب معناتها الدم
ونتشرّف اذا نادينه يحسين
عطر ام الحسين الزهره نشتم
دليل ويانه تحظر بالعزائات
وتبچي اعله الظلع ذاك التهشّم
ونسمع صوت منها ايهدّم الحيل
وياحيل السمعها وما تهدّم
(إنه الوالده والگلب لهفان
ادوّر عزا ابني وين ما چان)
اسود ليلنه حباً بالحسين
يون لجل المصيبه وصار اظلم
وافواج الملائك تبچي لحسين
بس بعدادهها بس الله يعلم
اضن جبريل صار هناك رادود
وميكائيل شاعرها الميتّم
وموكب حور مو كب زينبيات
يم شيلة الزهره هناك تلتم
اذا مو عشره بس نحسبها المصاب
ودليلي واليحبني بهاي سلّم
من ادم مجالس سوّه لحسين
ومجالس راح تبقى الآخر آدم









الشاعر محمد حسن ضيغم