هنا

[جمال الجيزاني]

وسفه عليك يا شعب العراق لمن طحت كثرن سجاجينك
كثرن ارماح الغدر وما تدري من الاخو لو من جوارينك
جان الرمح والسيف يدك والمثل مضروب بقوة حصينك
وللاخو لو صاح ها ياخوي تكطع من لحمة شرايينك
واذكر لمن جنه صغار يامرنه المعلم بالجود لفلسطينك
وجادت الروح بقيمها وضاع الوكت بالكونات وضاعت سنينك
فرحت هوايه كلوب لطيحتك وهلهلن نسوان الكويت بمساجينك
خلينه نتباهه بيك يابو الوفه والطيب ياصاحب عنوانينك
ربي يحرسك وتظل عامر بالمظايف ودلات مشتاكه لفناجينك
يا وسفه يا شعب العراق مو انت التكثر سجاجينك
لا تظل مكسور مثل المثل لو كال لو طاح الجمل كثرن سجاجينك


والسلام عليكم
اتمنى ان تنال اعجابكم

[فـرح]

شكراً الك

[جمال الجيزاني]

الشكر لله ولكل من مر على سطوري المتواضعه
وكل الشكر والعرفان لكي انستي فرح اتمنى لك دوام الموفقيه والنجاح