هنا

[جمال الجيزاني]

جنت نايم وسمعت صوتك وحنت الروح لغرامك من بعيد
وحلمت بيك تفتح جرح ثاني والمأسي لا تخف ولا تهيد
وتدري بدموعي ضعيفه ولو تشوفك راح تنزل من جديد
حاولت انساك لكن مرن طيوفك مثل برق ورعيد
جنت اتمنى اكتبلك رساله بيها همي وبيها عيد
وانته لو رايد صدك تذكرني مره انه عنك مو بعيد
تدري بفراكك عشت ايام سوده وانه من بعدك وحيد
وتدري بقليبي جمر وتدري بغرامك حطب يشعل النار ويقيد
وتظل روحي بمناطرك محروكه وحبك لا ينطفي ولا يهيد
فرحت العين بوصالك وانه نايم وحنت الروح لغرامك من جديد

والسلام عليكم
تقبلوا مني فائق الود وعظيم الاحترام

[Nazkul]

شكرا لك

ينقل الموضوع إلى القسم المناسب

[جمال الجيزاني]

وين راح ينقل الموضوع مالتي لااي قسم واي صفحه لاانو دورت عليه بالمستشفيات واقسام الشرطه لالااسف ما لكيته بعد

[Nazkul]

وين راح ينقل الموضوع مالتي لااي قسم واي صفحه لاانو دورت عليه بالمستشفيات واقسام الشرطه لالااسف ما لكيته بعد

انت نزلته بقسم السطور وانا نقلته لقسم الشعر القسم الانسب له

[أمير الأحلام]

عاشت ايدك
قصيدة رائعه