من المشرفين القدامى
امنيات *
تاريخ التسجيل: April-2016
الدولة: تحت قبة اميري علي (ع )
الجنس: أنثى
المشاركات: 6,219 المواضيع: 1,261
صوتيات:
313
سوالف عراقية:
0
مزاجي: ابتسم للحياة
المهنة: طالبه جامعيه ..
موبايلي: هواوي
آخر نشاط: 9/October/2023
قصيدة خلصت كلشي وبقت بس هايه باسم الكربلائي محرم 1441هـ مكتوبة
قصيدة : خلصت كلشي
للشاعر : علي سعيد الطائي
المناسبة : ليلة 25 محرم 1441 هـ
حسينية ام الحسن موكب اخوة زينب - الفاو
خلصت كلشي وبقت بس هايه
باچر ارفع راية المشايه
»»»»»»»»»»»»»»»»»»»»»»
احسبها بالساعات الازياره
وگلب المحب ما تنطفي ناره
خطار للما يرد خطاره
امشي وادگ بكل جدم ثايه
»»»»»»»»»»»»»»»»»»»»»
يوم اربعين حسين نتعنه
ببيوتنه محد يظل منه
افواج نمشي ونگصد الجنه
وعن المتن ما تنزل الرايه
»»»»»»»»»»»»»»»»»»»»
واحد للآخر يبري بالذمه
ومن باب بيته يطلع بهمه
نعمه الحسين وباقيه النعمه
نعطش حنان ونرتوي بمايه
»»»»»»»»»»»»»»»»»»»»»»
نمشي ونشوف احداث عالفطره
وزينب تشاهد وامك الزهره
طول العمر مو بالسنه مره
كل يوم نتعناله عنايه
»»»»»»»»»»»»»»»»»»»»»
امشي والك خطوات ما احسب
ادري حبيب بدفتره يكتب
نار العواطف بيه من تشب
گلبي يصير بكبر الولايه
»»»»»»»»»»»»»»»»»»»»»
يحسين يوم الاوصل طفوفك
الگه المناير چنهن چفوفك
يالما عفتني تگلي ما عوفك
يوم القيامه تحقق الغايه
»»»»»»»»»»»»»»»»»»»
كل لحظه وآنه ينخطف لوني
امشي وسبايه تشاهد عيوني
يا سوط هاك انزل على متوني
هذا اليصير بزينب هوايه
»»»»»»»»»»»»»»»»»»»»»»»»»
رد مع اقتباس