بويه شلون راح اگدر أرجع لخيامي
والسجاد يتلگاني بـوين إحزامي
أدري بأخيـك من أرد
عنك يكثـر بالنشـد
يتلگاني بـوين إحزامي ...
بويه علي ياحيرتي وعنك علي إيناشدني
چلمه الوينك ياعلي من تنحچي تلچمني
ونشد الأخو عن الأخو ابفگد الگمر حسسني
وآنه اخو ووالد ياعلي والطف لچم يشبعني
راح احتار من تنشدني إعليك اسكينه
اصرخ آخ كلما أسمع چلمة وينه
يابويه كبرت وحشتي . وترست الوينك خيمتي
وظلت گوه مثبته اجدامي
____________________________
الچانت تخاف من الحسد واتنگبك إشما تطلع
شيصير بأمك ياعلي من تدري بيـك امگطع
بي حاله گلب الوالده ابفگد الولد مايقنع
ياضامي بس لون الشمس لوذبل منك يشبع
اعليك اتخاف من عين الناس ايحسدونك
بيها اشلون من اتشوف الدم غطه اعيونك
التشبر ابطولك كل صبح . ماحسبتك تنذبح
شلون اتشوفك طايح دامي
____________________________
يالأكبر إنته اول جرح وانته اول آخ انسمعت
لو ما الطف مايكتمل روحي ويه روحك طلعت
ياعلي ولوعة فرگتك حنضل وگوه انجرعت
ياعين أبوك وكشخته من طحت عيني انشلعت
أول آخ من طيحوك انسمعت مني
ومن طيحوك ظل الشامت يسمع وني
ياعين ابوك وكشخته . من طحت طاحت دمعته
يامذبوح ورافع هامي
____________________________
اتفرهد امن عيوني الصبح من اسمعت صوتك ناده
يخبص الدنيه ابصيحته اليفگد چبير اولاده
شيسد مچانه ووحشتـه الــيشبه چبير الساده
ضاعت من الدم كشخته الطيـح ارگاب القاده
يالناطور ليش الموت ايبوگ ارسومك
بويه اعليك ثگلت من الدم اهدومك
يا أرق من طبگت جفن . جسمك خلص من الطعن
اخلافك گصرن بـويه أيـامي
____________________________
بويه آنه چنت اتنفسك من تبتعد عني أختنگ
عشگ الأبو لطول الولد هذا اجمل أنواع العشگ
اشصاير ابطولك ياعلي من الطعن ماتنشبگ
شنهي اگل لامك من ارد يـا ألذ من طاري الصدگ
طولك ليش صاير بويه اشويه اشويه
اشبگ بيك بس الدم يرجع بيديه
ماتكفي حسرات السمه . يالذبلك موت وضمه
ليش المثلك ميت ضامي
____________________________
كلمات الشاعر _ مصطفى حرب
____________________________
تحميل mp3
رد مع اقتباس
المشاركة الأصلية كتبت بواسطة بـــراءة
