راضيتني
راضيتني
وخدرن جروحي ....
وآشتهيت النوم
وفراشي دفه .
راضيتني ،
وهب النسيم آعلى الزعل ...
ونْسيت كل شي ونعّست ...
وطوير البصدري غفه .
راضيتني ،
وحطيت آصابيعك على عيوني ...
شفايف بوس ...
والخابط صفه .
يحبيّب آنا الغيظ حاركَني حرك ...
وآنت بطيت هواي ،
بارد بالجفه .
يصويحبي البيدك مفاتيح الكَلب ،
والندى البارد والشفا .
يا ريت من أول يويلي وآه منك ،
جايني .
لو جاي من أول شرارة غيظ ،
جان آنا آعتذر .
جا دمّعت والغيظ لعيونك طفه .
الحمد لله والشكر ،
راضيتني ،
وهب النسيم آعلى الزعل ،
وطوير البصدري غفه .
عبدالكريم القصاب
رد مع اقتباس