هنا

[MemoOo]

صباح / مساء الخير

احب اخذ رئيكم بموضوع عجزت استعمل بس كل الحلول
واتمنه تاخذون بعين الاعتبار اني ماريد رأي مثالي تطرحو ومتطبقو
اريد تنطوني رأي لو انتو بمكاني شتسون وشتطبقون ؟

فاتمنى من كل الي يقره موضوعي يحط نفسه بمكاني ويجاوب جواب يطبقه هو

يلا نبدأ
.
.
.
هوايه سامعين بهاي العبارات

لا تبكي على أي علاقة في الحياة لأن الذي تبكي من أجله لا يستحق دموعك والشخص الذي يستحق دموعكـ لن يدعك تبكي ابدا

واكو عباره لخ تكول
.

¨°•√♥ لا تـــــــــبكــي ♥√•°
إذا أبتعد عنك أعز أصدقائك..!
ولم يوضح لك الأسباب ..!
فـ هو من خسرك و ليس أنت ..!


ززززززززززززززززززززززززز ززززين

احب اسألكم شلون الواحد يلزم نفسه وميبجي على هيج اشخاص ؟
شلون الواحد يكدر مينزل دمعه على شخص يتحمل يشوف دموعه ؟



واذا شخص انت متكدر تشوف دموعه وتتمنى تموت قبل هذا اليوم
وهو يكدر يشوف دموعك وعادي عنده اذا بجيت
والعادي الي اقصدها
استنتجتها من خلال مواااااااااااقف وايام ثبتتلي شي الي هو
(دموعي مو مهمه بكد دموع هذا الشخص )

واذا انت تقدره وتحترمه وعندك دموعه غاليه وشرحتله وفهمته هوااااااااااااااااايه كلش هوايه
فشتسوي اذا انت بمكاني ؟
شتسوي اذا انت بين نارين لا تكدر تعوفه ولا تكدر تاخذ حق دموعك منه

شلون تحط حد للموضوع وشلون اتطبق هاي العبارتين

صدكوني عجزت الكه حل وطريقه تخليني (ماانقهر وماابجي )
وتعبت من كد ماعتبت ولمت

والسؤال الاهم : شلون تحسسه بذنبه وبخطئه وتحسسه انو هو حيخسرك اذا بقه هيج ممهتم لزعلك او ما يهمة خاطرك المكسور

مع العلم : اني حاجيه هوايه وشارحه هوايه
بس النتيجه نفسها
اتمنى تجاوبوني بشي يريحني واكدر اطبقه

[MǻľĬҜ ăľΨÁŠї‡Ÿ]

مساء الخير --
اختي الكريمة اغلب هذه العبارات هي ليست مقياس او خط يجب ان نمشي على خطاة في حياتنا
فهي في اغلب الاحيان فقط عبارات مرتبة و منسقة وجميلة الغرض منها الانتشار على مواقع التواصل الاجتماعي
وليس لها تطبيق في ارض الواقع او من المستحيل تبطيقها على ارض الواقع
انا احيانا اواجة هكذا عبارات ولا اجد لها تفسيرا ولا استطيع ان اطبقها على الواقع

[MemoOo]

شكرا الك مالك واني عجزت اطبقها لان متكدر تمنع نفسك متنقهر خصوصا اذا كانو اشخاص كلش قريبين منك ويعنولك الكثير
فلهذا سالتكم لو بمكاني شنو ممكن تسون على الاقل حتى تهونون على نفسكم شكرا لمرورك الجميل

[نسمة الدرر]

اختي الكريمة أنصحج اتطبقين عبارة (الحكران يكطع المصران) وتدوسين على قلبج شوي وتتذكرين انو مو كل شي انريده بالحياة انحصل عليه وأهم شي هو رضا رب العالمين.

[MemoOo]

اختي الكريمة أنصحج اتطبقين عبارة (الحكران يكطع المصران) وتدوسين على قلبج شوي وتتذكرين انو مو كل شي انريده بالحياة انحصل عليه وأهم شي هو رضا رب العالمين.

اختي بيارق اشكر مرورج الحلو بس ممكن سؤال شنو يعني الحكران يكطع المصران ممكن توضحين اكثر

[Daleen]

خير الكلام ما قل ودل ... من لا يرضى بى نورا لعينيه لا ارضى به ترابا امشى عليه ...على شنو مدوخة روحج بسؤال وجواب

[MemoOo]

خير الكلام ما قل ودل ... من لا يرضى بى نورا لعينيه لا ارضى به ترابا امشى عليه ...على شنو مدوخة روحج بسؤال وجواب

اختي دالين حجيج صحيح واني هيج اكول وهيج نضريتي للحياة بس صدكيني الحجي سهل واني لو معاجزه الكه حل جان موصلت مرحله اسئلكم
والاشخاص الي يجرحون لو ميهمون ومو قريبين جان منقهرنه
شكرا عالمرور الحلو تسلمين ياورده

[رحيـــل]

اختي العزيزة
لانك إمرأة عبري عن ما بداخلك من حزن وفرح كي تكوني انسانة طبيعية
من الطبيعي للانسان ان يبكي على شيء الم به ومن الصعب جدا كتم الشعور بالحزن
لكن المشكلة في كيف تتغلبي على هذا الحزن وكيف يصنع منك أمرأة صلبة لاتهزها المواقف
فالعبارات التي ذكرتها حقيقية ككلمات مواساة يحاول الصديق من خلالها تخفيف الالم عنك ولها ايجابيات
لكن ماهو عليك ان تنظري الى قيم الحياة الحقيقية ولا تكوني حالمة للا حد
وما اقصد بقيم الحياة عزيزتي السمعة الطيبة والصحة والعائلة ففي الحياة أمور اكثر وأجمل .

قد نفقد في حياتنا كثير من الاحبة منهم من أخلص لنا وحالت بيننا الاقدار وخسرناه ومنهم من لم يعرف قيمتنا ولم يدر اعتبارا لأخلاصنا ةهو من خسرنا ,
هذا لا يعني بان الامل توقف والحياة تعطلت .
انتبهي فأنت الان حرة لنفسك تحررت من قيود كانت تحدد حياتك انتبهي لمستقبلك اكتشفي السعادة اين تكون ...
قد اتفاجىء حين تقول احداهن ان السعادة في بسمة الحبيب فقط .. اقول لها لانك لم تجربي زرع بسمة على شفاه طفل او انسان بحاجة لمساعدة او تنجزي عمل يعد مفخرة لك ..
بصراحة بودي ان اقول لك الكثير لاني ومن حوالي ثلاثة ايام احاول اقناع صديقة غالية كيف تتخلص من حزنها وكآبتها بسبب رجل تركها .
فعلا اقول لها لاتبك فهو لايستحقك وهي تزيد بالبكاء وتقول لااقدر .في وقتها احسست بأنها جرحت كرامتها كأمرأة ولا اصعب من ذلك واحسست بانها تريد ان تفعل به ما فعل بها ولا الومها ولكن ان فكرنا بذلك فلا نستطيع ان ننسى وتمر الايام بمتابعة اخباره وهو لاه يعيش حياته طولها وعرضها
وهي كئيبة حزينة تثبت له بانها انهزمت امامه وتحسسه بنشوة انتصار الرجولة .
لا ياحبيبتي ارجوك قومي والبسي احلى ثيابك وتعطري وتجملي واقرأي وثابري ضعي مستقبلك نصب عينك
الايام كفيلة بان تنسيك الامك وماهي الافترة من الزمان وسترين جروحك تندمل . وسيأتي ذلك الشخص الذي يستحقك وكوني انت على ثقة بأن تستحقيه
فكما تريدين يريد .
لا الومك في بكائك ابك قدر ما استطعتي ولكن لاتنسي ساعاتك وتذهب ايامك هباء مابين دمعة وحزن .وحول سؤالك بان تحسسيه بالام ..انه امر مضحك فلو كان يملك الاحساس ياعزيزتي ما كان يراك باكية اتركيه لله وسترين ما يفعل به بشرط ايمانك القوي .
وعذرا ياغالية اتمنى لك ايام قادمة سعيدة اسعد من تلك الايام .

[MemoOo]

اختي جنونيات كلامج ريحني هوايه وقواني وصحه بيه شي يمكن جنت هاملته اشجرج هوايه على كلامج الجميل والواعي والمنطقي واشكر تفهمج لدموعي واحساسج بيه تسلمين ياورده

[نسمة الدرر]

اختي بيارق اشكر مرورج الحلو بس ممكن سؤال شنو يعني الحكران يكطع المصران ممكن توضحين اكثر
اشعجب ماسامعة بهالمثل وانتي عراقية يعني هملي هذا الشخص فترة وحسسيه انه مايهمج ودعيله بالهداية وأذا مافاد خلاص عودي نفسج على نسيانه ودوسي على كلبج صحيح المرأة بطبعها حساسة ورقيقة لكن قوية واذا صممت على شي تكدر اتسويه