تجي من أخر ضمه الدنيه
وتفز من حركة الدنيه مطر نيسان
يمالوم وصلاة الماي تنده بيك
يحسين العطش شمام دخانه
وتشرعت الحمام
وعشت طير أنسان
ومتت كمرة
بجفافينه
وفضت ثورة بتراب أرواحنا الميت
المايتحرك ومايحترك لو ما نهر فحطان
الخريف بلون جرحك جان
قزح جرحك فتح بيبان
عثر طف
ومشيت بغبشة أعيونك
شتلت الكاع في ثوار
جاس الناس
والمو ناس
وصحه نوم التراب اللايذ بخوفه
ونده كل كمره بالعطاب ملفوفه
ورسم باللافته طوفان
عثر طف
المشن بالريح مصلوبات
باجر من صوايحهن
يموج اللوم واللايم
يموت الخوف والسمسار
وتمشي ويه البرد دفان
عثر طف
وخذت من خاطر ترابك
واخذ من خاطرك
حد ما مشه بجرحك
لكه بكل جرح رازونه
وترس وجه السمه دخان
يلن حزنك فصول ألناس
حزن رافك حماماتك
لحد أخر سفر بيهن رمح سفان
شنلمك
تعب والكيض روج يجتف أمجانك
وخريفك حلم بجناحين
ممهور بختم قربان
أشتعل يا بيدر عيوني التعب سالوفة الينلام
وأحرك كل سواجي الخوف
طيح بكل حراثي الخوف شمس أعلان










غسان عادل