شـرفنـي وادخـل موكبـي بهالمـــره
يلـي إجيت لخـاطر إبـن الزهـــره
من العـــام منتظـــرك
خلينـــي أشم عطـــرك
بـــ هالمـــره
ادخيلك يخطار البخت طبلنه بس اشويه
بس ضوگ زاد اللي انطبخ واشرب اوياه اميه
هيه الزياره كل سنه ولا ماتصح يوميه
وبالسنه مره تنجمع كل الكرة الأرضيه
واهدومك الذكرى بقت بالموكب
تبقى العمر كله حرز هيچي انحب
يالعالي ظل قـــدرك . خلينـــي أشم عطـــرك
بـــ هالمـــره
################
لو مامشــبتك يابطل چا هسه ماتلـگانه
مهجور موكبنا يظل تسفي عليه تـربانه
حيل اعتقدنا ابجيتك نعمه تظل ويانه
والزاد منك لويظل خذنا شفنه لمرضانه
من أرجع يسـألوني طبلك زاير !
لو ما اعزب واطبخ ابقه حاير
من اللطمه الـ بصـــدرك . خلينـــي أشم عطـــرك
بـــ هالمـــره
################
لمن تطب الموكبي طبتك تكحل عيني
اتشيم وابقه افتخر مابيني بس لابيني
توفيق عندي واخدمك ممنونك اتخليني
عطشان عالخدمة سنه وبخيتك اترويني
ازگيك ماي امحضره إلك بالجربه
بس للشفه بقيلي من اشربه
عمري على عمـــرك . خلينـــي أشم عطـــرك
بـــ هالمـــره
################
مأجور من حلگك حرز اخذها حكمة وآيه
چنك تملكني الأرض ماچنها بس احچايه
كلما تشـوفك تقترب تنـزل عليك الرايه
تصرخ سلام الله على شعـيرة المشايه
ناصب المـوكب وانتظر هالجيه
لذة ابخدمتك يابشر قدسيه
تعبرني ما اعـــذرك . خلينـــي أشم عطـــرك
بـــ هالمـــره
################
متحزم ابـرايـة علي فدوه رحت لحزامك
متفضل اعليه إذا اغسلها هاي اجدامك
أحرم اوياك ابخدمتي والمشي صار إحرامك
اطلب وتلگاني عبد اركض ركض گدامك
خليني اكشخ باچر ابــهالخدمه
يوم اللي مايـنـفع ابنادم إسمه
أمري صبح إسمك . خلينـــي أشم عطـــرك
بـــ هالمـــره
################
كلمات | علـي عبـاس الربيـعاوي
<< تحميل ...... mp3 >>
رد مع اقتباس