هنا

[زهرائية]

تربة عجيبة

تربة عجيبة بالدم خضيبة
صارت علم والبيه الم ينشد طبيبه
تربة عجيبة

كلما قسى ويايا الدهر وبوجهي سد الباب
يا كربلا لارضج احن يا ريحة الاحباب
من ابتعد عن ترتبتج بجفون اشيل تراب
بيه الامل بيه الشفا مو بس حزن ومصاب

بيه ذكرياتي عمري وحياتي
اقسم قسم والبيه الم ينشد طبيبه
تربة عجيبة

تربة عجيبة بالدم خضيبة
صارت علم والبيه الم ينشد طبيبه
تربة عجيبة

لو سافرت وتغربت يبقى القلب وياج
وابقى انتظر فوق الجمر ما ينحمل فرقاج
يا كربلا والشرفك واشرف ارض خلاج
لهفة طفل ضاع بغرب واتلهف لملقاج

بين المناير ظل قلبي طاير
قلب انجسم والبيه الم ينشد طبيبه
تربة عجيبة

تربة عجيبة بالدم خضيبة
صارت علم والبيه الم ينشد طبيبه
تربة عجيبة

طبع الشمع من يشتعل تخلص دموعه
وحال النهر لمن يجف تبجى على حاله القاع
بعدج اظل مثل السفن تاهت بلا شراع
مهما حصل ابقى الوفي واليشتري وما باع

لو ما قبلتي حبي ولهفتي
اصبح عدم والبيه الم ينشد طبيبه
تربة عجيبة
تربة عجيبة بالدم خضيبة
صارت علم والبيه الم ينشد طبيبه
تربة عجيبة



دمعي فلا مثله دمع غير التعرفه الناس
يشبه دمع ام الخدر لمن وقع عباس
فتوة محب ارض الوفا مو بالجدم تنداس
لازم زحف نوصل الج يا من رفعتي الراس

انتِ البداية حسن النهاية
والما فهم والبيه الم ينشد طبيبه
تربة عجيبة
تربة عجيبة بالدم خضيبة
صارت علم والبيه الم ينشد طبيبه
تربة عجيبة



اشتاق الج دمعة وجرح واصرخ واضمج اه
غيرج شفت واتولعت فترة وقدرت انساه
من المهد حبج كبر بيا وكبرت وياه
اصعب مرض ماله شفا هذا التراب دواه

انتِ بضميري يمج مصيري
لا مو وهم والبيه الم ينشد طبيبه
تربة عجيبة

[كبريائي قاهرهم]

بارك الله بك
وعاشت الايادي
على روعة الانتقاء وجميل الذائقة
لا حرمنا القادم من ابداعك
اختي العزيزة
خالص ودي و وافر احترامي

[زهرائية]

بارك الله بك
وعاشت الايادي
على روعة الانتقاء وجميل الذائقة
لا حرمنا القادم من ابداعك
اختي العزيزة
خالص ودي و وافر احترامي

الله يبارك بكم اخي الطيب ويحميكم والف شكر للمرور الطيب والتقييم