هنا

[تّـفـاَصيلـٓ]

هانـت يروحي (الوطن) وايام وتعـدي
وتدريني كلش شهم بس عمري ما بعتك
وتدري الفرح مو الي وحتى الوكت ضدي
وباجر نزفك عـرس وتهلهل ( التك تك )



سجاد الغريب

[تّـفـاَصيلـٓ]

خوية كابلت السجن حر وبرد
ليلي ونهاري
اتحملت لاجلك شتايم
على عرضي واشعلت بالليل ناري
تالي تهتكني بخلك وصلة جريدة
كرت عيونك ياخويه بهاي جازيت انتظاري
بهاي أكابل كل إخت تنتظر منك ثار يا
خويه لعرضها
بهاي اكابل امهات الناس وهمومي افضها
جنت اررضة تدوس بعظامي واكلك حيل رضها
جنت ارضه تذبح ابطني جنيني
ولا براءة عار متبركع تجيني
ولك كون الكاع تبلعني وشخبرالناس والينشد شكله
شلون عيني اتجابس عيون المحلة
اشلون اوصفك وانته كلك عار وذله
بعد ما لك عرف ويانه وخبزلا تصل يمنه
هاك اخذ عار الجريده
ولف ضميرك والكرامه وعار اسمنه
مثل ما تبريت من شعبك تبرينا من اسمك
ويا شعب هذا التشوفه موش ابنه موش لبنه


مظفر النواب

[تّـفـاَصيلـٓ]

شمدحك يا وطن ! تارسني ضيم و هَچ
هدف رماي ! شبعتني سهامك دچ

نخل درهم ولا بيك اليسد الجوع
الحدايق فارغة ! والمگبرة تلتچ

چنك حظي مالك گعدة دوم وياي
يل.مخلي العزيز لغرب يتبچبچ

اثاري الماله صوت بهالوطن ماكول
اليسكت ينوكل من هل فچ الـ هل الفج

حسين السور

[تّـفـاَصيلـٓ]

اگعد يهادم حيل ثنوه
تغديلك العربان فدوه
يمة المحاچي وياك حلوه
بير الجفن وجفاك دلوه

اگعد مشينة نعوف الگبور
نتظاهر ابغداد ونثور
كتلوك مايدرون منذور
ومحظره مايك والبخور

مدفون يمي شلون بلوه
تغديلك الصوبين فدوه

كرار الصيمري

الرحمه و الغفران لصفاء السراي شهيد الوطن

[تّـفـاَصيلـٓ]

بـاچـر تـرد الـعـصافـيـر اعـلـه عـشـهـا،
وتـنـتـرس كـل الـحـدايـق مـن وردنـة
بـاچـر نـغـنـي بـحـزنـة
احـنـا أبـونـة اسـمـه الـعـراق
وسـاحـة الـتـحـريـر أُمـنـة".

علي ماجد

[حہيہدر الہبغہداديہ]

يغلق الموضوع لوصوله الى الحد المسموح من المشاركات والردود

رابط الموضوع الجديد

https://www.dorar-aliraq.net/showthread.php?t=982144