هنا

[كبريائي قاهرهم]

مايطلع...
ردت أكتب قصيده
وعاند المطلع
لأن فكري
لأن بحري
لأن شيطان شعري
نايم مگَبّع
رغم عندي فكر
من البحر اوسع
......
مايطلع
ردت أكتب قصيده
وعاند المطلع
.......
أعصرت أفكاري
ما طاحت ولا كلمه
ضربت أوتاري
ما طلعت ولا نغمه
لأنك مو طبيعي
أتسكت الشاعر
لأن خدك ربيعي
يشغل الناظر
ورد أبيض بخدك
دوخ اليزرع
......
ما يطلع
ردت أكتب قصيده
وعاند المطلع
.....
صعب من تنوصف
تفقد أهواي أشياء
حته أسمك صعب
ما يشبه الاسماء
ألك وگفت زرع
تتحده جرف السيل
والك شيمة شمع
متهاب چف الليل
والك طَلت گمر
ب-14-شعشع
بربعطعش شعشع
.....
مايطلع
ردت أكتب قصيده
وعاند المطلع
......
.....كلمات
ناصر اسماعيل الموزاني

[رحيـــل]

احسنت

[كبريائي قاهرهم]

شكرا لكِ
لجميل تواجدكِ وعطر اطلالتك
ودي وعبير وردي