شجاكم يالتصيحون العجل مولاي
شنو ذنبي ؟!
لسان حال صاحب الزمان ع
شجاكم يالتتانوني دكولوا شوية خل نريض بجرحة
ماكلتوا بجفاه اليل طال ولسه ماهية شمس صبحة
انه ادري اليحب ما ياذي محبوبة
يزرع روحة وردة شوك بدروبة
وادريبة يتاني الليل حتى يسولف اشواكة
وتظل رويحته تناغيه مشتاااكة
جا ليش ؟
ولا واحد يحاجيني ابصباح ابليل
شنو ذنبي وتدور براسي لساعة
عراضة خيل !؟
شنو ذنبي الاريدة ضماد مسحاة للطعن بيدة
ليش الي اظنة ضماد اشوفنه ملح متخوصر بجرحي
واحدكم اريدن هيد منه لجرحي لاجن اخ
كلكم تصيحون فوك جروحي اصحي
واحدكم ينام الليل وابالة الف احلام وردية
وشنو ذنبي لهسة النوم ما شفته
اريد اغفى ويفززني صياح متون علوية
مامش ابد واحد يدري بالبية
التكلة الطف يأذي يكول شعليه
شجاكم ليش محد عالم بونتي
التكلة اعلة الهزل زينب مشت للشام
كال اكطع كلامك هاي مو عمتي
شجاكم يالتصيحون العجل مولاي
ضامي وحشمت ماكو اليهد بماي
شجاكم يالتنادوني بصحف اعمالكم جم آه
واحدكم يكل لابليس فشلة وبالصدك وياه
شنو ذنبي واشوف ابليس ماشوفن محب ليه
اريدنكم متن مهيوب يكشخ بيه خاجية
ملايين التزور حسين بس انصاري معدودين
يالتانوني جدي حسين مبيوك بحوافر خيل
ضوة الشمعة يالتنادون شيخ يصير وكت الليل
مابيكم محب صداك
مابيكم الليه اشتاك
مابيكم الضوة دروبة بأعمالة
مابيكم الفَور شوك بِدلالة
دهنت الله يوادم لا تلجموني
راح اطلع واريدنكم تحزموني
ولو ميت الصوت بديرة الطرشان
وانه ادري عزيز الماي بس يكره كل غركان
وادريبة كبر مزيون حظن الريح للدخان
واخرس ادري بيه الناي لاجن كضة عمرة لسان
مرتجى الجبوري
رد مع اقتباس
