ياهو الماخذك مني .. انة المهدي ياجدي
الملا : كرار الكربلائي
كلمات الشاعر : محمد الجماسي
محرم 1441
حسين.. يا اية .. ويا راية .. مضواية
حسين .. دمعاتي .. واهاتي .. وثاراتي
عاشورك مرد جبدي ..
انة المهدي ياجدي انة المهدي ياجدي
***
حسين .. حسين
••••••••••
ياهو الماهذك مني وحرمني من جمالك
انة ياجدي محتاج الحنانك ولدلالك
اذا بالطيف اشوفنك ابوسك من خيالك
احتل بيهم العالم اذا عندي رجالك
حسين .. ياحزني .. العذبني ..وهيمني
حسين ثارالله .. وعبدالله .. من اوصله
يمكن صاير بكدي ..
انة المهدي ياجدي انة المهدي ياجدي
***
حسين .. حسين
••••••••••••
ليش شما ازورنك تون ياجدي اسمعك
ياهو الاذى خاصرتك منهو الكص اصبعك
ينزلونك بني امية وجفوف الله الترفعك
حتى جنازة ماعندك دكلي شلون اشيعك
حسين .. مذبوحي .. ياروحي .. وجروحي
حسين .. ماذيني .. مبجيني .. وسابيني
ولون الدم صبغ خدي ..
انة المهدي ياجدي انة المهدي ياجدي
***
حسين .. حسين
•••••••••••••
عاشورك تملكني وكمت وياه اسافر
انام بخيمة محروكة وتفززني الحوافر
ذباحك ذبح عمري وكسرلي شكد خواطر
اكو ناس الله خالقهم مو مالت مكابر
حسين .. تتسلب .. مو زينب .. اني انحب
حسين .. واعلى التل .. جم مقتل .. يترتل
شبيدي انصار ماعندي ..
انة المهدي ياجدي انة المهدي ياجدي
***
حسين .. حسين
•••••••••••••••
ايام العزاء قربت يجدي وكل محرم
لحيتك بيضة اشوفنهة وقميصك ناكع بدم
زينب تاخذ الدمعة وترشها اعلى المخيم
كم حجارة ضاربتك وكم سيف التثلم
حسين .. ياراية .. وقراية .. ياغاية
حسين .. لو يمك .. واشتمك .. من دمك
غيرك كلشي ماعندي ..
انة المهدي ياجدي انة المهدي ياجدي
***
حسين .. حسين
•••••••••••••••
باجر يظهر وياية خرساني ويماني
وكل شيعي يناديني هلا بصاحب زماني
اجيك ببيرغ محزم واصير الناعي اني
اجي من مسجد السهلة ومسجد جمكراني
حسين .. أحسينيتي .. ولطميتي .. وعافيتي
حسين .. اوجاعي .. واسماعي .. وية الناعي
وياية الخضر جندي ..
انة المهدي ياجدي انة المهدي ياجدي
***
حسين .. حسين
•••••••••••••••
اجي وي جدتي الزهرة لمجالسنا العجيبة
بعد ايام هم اسمع يزينب ياغريبة
بالشام الضعن مسبي الضعن ياهو اليجيبة
اللهي عجل بيومي عذابي بهالمصيبة
حسين..هيج ادعي.. ودم دمعي..وهيج انعي
حسين .. سالوني .. ولاموني .. واذوني
وانة بغربتك احدي ..
انة المهدي ياجدي انة المهدي ياجدي
***
حسين .. حسين
الشاعر محمد الجماسي
تحميل mp3
رد مع اقتباس