قصيدة:تبدي المسيرة اوكربلة النية
للشاعر:زين العابدين المريّاني
المناسبة:ليلة 28 محرم 1441هـ
المكان:العزاء المركزي للشيعة التركمان/كركوك
طور:#طفلة وعليلة#صاح الحسن
تبدي المَسيره اوكربله النيّه
موعِـدنه صـار اِلأربعـينيّه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛
رَفْرَفْ حبيب اِبچفّه أعظَم رايه
اللهُ أكبر قـامـت اِلمـشّايه
ثورة مشي اوللطّفْ مسيره اوغايه
حيَّ الله زِلْم الموزمه الوفّايه
يا فزعة اِلخِدمه الحُسينيّه
موعِـدنه صـار اِلأربعـينيّه
«««««««««««««««««««
هذا العِراق اوبالكرَم ما ينحَد
وايقدّم الما ينْحَصَه اوما ينعَد
كل عام مشّايه اومواكب أزْيَد
نهْر اِلذّهَب وابهالدرُب نِتوحَّد
يحْسين اِجينالك فرِد جيّه
موعِـدنه صـار اِلأربعـينيّه
««««««««««««««««««
كربله كلنه اعله الوعَد تِلگانه
هذا النّشيد اِنردّده ابْمَسرانه
(ما نستراح اِونِسرع ابْممشانه
خَوْله اورقيّه اوفاطِمه ويّانه)
اوزينب عَزيزه اوماهي مسبيّه
موعِـدنه صـار اِلأربعـينيّه
««««««««««««««««««
ما دام للمشّايه يحْضَر حيدَر
ماي اِلسّبيل ايْصير ماي الكوثَر
بيْديك مِلْح الزّاد يابو الأكبَر
والهذا زادَك باليحبّك غَزَّر
حتّه التخدمك بيها حِنِّيّه
موعِـدنه صـار اِلأربعـينيّه
««««««««««««««««««
رَحّبو بِينه اسْبعطَعش خَيّاله
اوعامِر مُضيف الحَسَن سَمْره اِدلاله
والكرم بسّ اِلهاشِم اولرْجاله
اونار المواكب مِن بعد تِتْلاله
أهل الكرَم ما عدهُم اِشويّه
موعِـدنه صـار اِلأربعـينيّه
««««««««««««««««««««
شِفنه اليزورك والشّجاعه ابلَونه
أهْل اِلأرض واهْل اِلسّمه ايْحبّونه
عبّاس شال اِلسّهَم مِنّ اعيونه
بِعْيونه خَلّه الگصدو ايْزورونه
دَرْب اِلمشي اتحَيِّر معانيّه
موعِـدنه صـار اِلأربعـينيّه
___________________
تحميل mp3
هنااا
رد مع اقتباس
المشاركة الأصلية كتبت بواسطة صفاء العامري
