رسمت اجروح وكتي ابحايط الاه
رسمت اجروح وكتي ابحايط الاهوالحايط نزعهن ماتحملهن
اكتبتهن عالورق صار الحبر تيزاب كام القلم هوه ابروحه يحركهن
اصرخت بيهن قصيده اتفجرت بركان او ميزان الشعر ماكدر يوزنهن
عفه روحج يروحي اشكثر تتحملين اوعمت عينك يكلبي اشلون حاضنهن
اهودلي جرح يصحن علي جرحين واضل ابجي عليهن من اهودهن
صرت امهن وابوهن واسهرلهن دوم واذاهادن عليه ارجع احنلهن
اخذ مني الزمن منعندي كوم اشياء واضل احرك ابروحي من اعددهن
اخذ مني شبابي والفرح والناس واخذ كل ذني منياجروح بدلهن
شذكرلك بعد كل ذكره اليه ابئاه اسويلك ملاحم من اسطرهن
اشك صدري الك تالكاني كلي اهموم وبخنجر زماني اشوفه حافرهن
على الاه انه رابي او عالصبر مفطوم اوعلى اعصابي السوالف من اسولفن
ومكابر جبتهه والوكت سياف وركاب المكابر وكتيياخذهن
رغم كل هذا عايش رافع انه الراس ولو خسران بس ابكطره رابحهن
واكول الله كريم او باجر اتهون ولو باجر كضه والجاي لاحكهن
واكول الله كريم او باجر اتهون ولو باجر كضه والجاي لاحكهن
رد مع اقتباس
