قصائد حسينية مكتوبة محرم صفر 2019 - 2020 / 1441 هــ
قصائد حسينية حماسية / فزاعية مكتوبة
2019
نشرت قميصه الزهره
من دمه تشتم عطره
تنعه وتصد عالعبره
نشرت قميص المنذبح
بأول محرم فاطمه
كلما تشمه ايفز جرح
بيها ويفز جرح السمه
كل قطره بي شالت عطر
مثل الورد صار الدمه
واكبر عجيبه بي لگت
دخان من امخيمه
ثوب الذبيح ابهيمه . شايل عطر من خيمه
ولايحته يمكن جمره
من دمه تشتم عطره
تنعه وتصد عالعبره
نشرت قميصه الزهره
شافت عليه قطرة ضوت
واتعجبت من شمته
مدت عليه چفها وطفح
دم اختلف علشافته
معقوله جاسم بي دمه
تارك عطر من حنته
ابهذا القميص نازف ولد
مذبوح عرس ابخيمه
من شبگ جاسم عمه . وبچفوفه حنته ودمه
هالأثر ظل ابصدره
نشرت قميصه الزهره
وشمت عطر اجمل عطر
من قطره تارسها العطش
الشاب بعمر ام الحسن
چانت اسنينه ثمنطعش
من شاله الحسين وصبح
صدره لعلي الأكبر نعش
دمه صبـغ صدره لإن
حدره صدر غالي انفرش
يامحله هاي النومه . الأب والأبن بالحومه
وگطر عليه دم نحره ..
نشرت قميصه الزهره
شمته ردت فاطمه
ومنها الدمع مجمر يهل
هالمره لولت فاطمه
هالقطره أظن من دم طفل
عطشان ماشاكي العطش
والـ بالمهد ماينسأل
والشال طفله ويندعي
يروى عدل مو ينچتل
رگبه رضيع وترفه . نبله ورمتها ابچفه
ست اشهر انعد عمره ..
نشرت قميصه الزهره
شافت دمه لونه ترف
ابرقه الضوه الشاله الگمر
عرفته لمن شافتـه
دم العليه ظهره انكسر
وصاحت يبوفاضل انه
ماصدگت هذا الخبر
منيا زمن وبيا وكت
ظل يگطع اچفوف النهر
انه امه وتشم زوده . وتصيح عدمن جوده
لهسه الخيم تنتظره ..
نشرت قميصه الزهره
شافت أثر وتعجبت
ومنها الجفن صب مـدمعه
والعجبه مو قطرة دمه
دمعـه ابقميصه طابعه
ماتنمحي اشما جربت
آيا دموع امودعه
فوگ القميص ام الخدر
كتبتله وحدي طالعه
دمعه ولگتها ابثوبه . وعرفتها من منكوبه
عنه مشت متيسره ..
نشرت قميصه الزهره
الشاعر احمد اللامي
حُسينيٌ منحري ..
علويٌ . فاطميٌ . أحمدي
حسنيٌ والحُسينُ سيدي
جئتُ حُباً إي وعشقاً أرتدي
حاملاً روحي على راحِ يدي
على إنني . وذا العشقُ موطني
نحرٌ مجيب . ومعَ الحبيب
حُسينيٌ منحري .. وانا حبيب .. ومعَ الحبيب
أنا من صُلب أبي صنتُ أبي
وامتلئتُ لبياضِ الأهدبِ
وعرفتُ الفخرَ مذ كُنتُ صبي
أن يكونُ العبدُ عَبداً زينبي
أنا العبدُ لم أرقْ . بأسيادي مُلتصقْ
يشهدُ المَشيب . ومعَ الحبيب
وانا حبيب .. ومعَ الحبيب
أرغمُ التسعينَ والكُلُ شَهد
جئتُ زحفاً لخيم المُعقد
إي وحقِ والدٍ وما ولد
خادمُ الفقارِ سيفي ما انغمد
ومختومٌ مقبضي . تُرابيٌ رافضي
في الوغى لهيب . ومعَ الحبيب
وانا حبيب .. ومعَ الحبيب
ها أنا الجنديُ ليثُ قسورة
وأنا عَبدُ الخيامِ الطاهرة
زينبٌ قالوا حَبيبٌ حائرة
حافياً جِئتُ ورأسي حاسرة
أيا نفسَ الأنفُسِ . ويا تاجَ الأرؤوسِ
دونكم خَضيب . ومعَ الحبيب
وانا حبيب .. ومعَ الحبيب
لفداءِ الحُبِ روحي هائمة
فأنا المنذورُ لإبنِ فاطمة
دمعتي قبلَ دمائي ساجمة
كيفَ يُؤذى ولي روحٌ سالمة
فلا يَكفي أُجرحُ . لهُ الروحُ تُذبحُ
صابراً مُنيب . ومعَ الحبيب
حُسينيٌ منحري .. وذا قلبي قسوري
وانا حبيب .. ومعَ الحبيب
حُسينيٌ منحري ..
الشاعر ميثاق المالكي
في كَربلا العباسُ قدّ قالها
اليومَ آن الأرضُ زلزالها
دونَ الخيامِ .. أُحامي أُحامي
وعن إمامي .. أُحامي أُحامي
نفخ سور الغاضرية وانگطع حلم الحياة
واعلن العباس محشر يم جرف شاطي الفرات
الأرض نشرت رعبها والسمه مطرت ممات
لاعجب من گمر هاشم كافل وعنده خوات
وزينبٌ يُوحي لها كافلُها
اليومَ آن الأرضُ زلزالها
دونَ الخيامِ .. أُحامي أُحامي
وعن إمامي .. أُحامي أُحامي
صاح يازهراء صوته وحته ماي الشط جمد
انذهلت الترضع ابنها والأبو عاف الولد
من درت عباس گصد لامفر گالت بعد
وخشعت الأبصار كلها وشخصت لواحد أحد
فقررَ الجبار إذلالها
اليومَ آن الأرضُ زلزالها
دونَ الخيامِ .. أُحامي أُحامي
وعن إمامي .. أُحامي أُحامي
هذا إبن حيدر وقرر ساعة عالعسكر يفوت
الحومة صفنت من طلعته وأطبق إعليها السكوت
انچان تسمع لآل أمية لوخزر بعيونه صوت
رمش مايرمش جفنها خاف من ترمش تموت
صاحَ بينَ الخيلِ خيالُها
اليومَ آن الأرضُ زلزالها
دونَ الخيامِ .. أُحامي أُحامي
وعن إمامي .. أُحامي أُحامي
هجس خوف ابگلب زينب گال افا وطب للحرب
جارح وصگاره عينه ونشر چفين الرعب
سطـر خد الحومه بيده وبچه عين الطف غصب
حسين گله من تثني الكون بيدك ينگلب
فالأرضُ قدّ أخرجت أثقالها
اليومَ آن الأرضُ زلزالها
دونَ الخيامِ .. أُحامي أُحامي
وعن إمامي .. أُحامي أُحامي
أسد وتدنوا عرينه وطبعه بالملگه عبوس
عالرگب أشر ابسيفه انترس وجه الگاع روس
الخيل وين اتحط جدمها على خشوم الذل تدوس
وبركضها بالحوافر تسمع امرادم الطوس
فلا تَقُلْ إنْ أُذهلت مالها ؟
اليومَ آن الأرضُ زلزالها
دونَ الخيامِ .. أُحامي أُحامي
وعن إمامي .. أُحامي أُحامي
الشاعر - احمد اللامي
Zahraa Al obaidi
نسألكم الدعاء
رد مع اقتباس
المشاركة الأصلية كتبت بواسطة انثى مخمليةة
