غيم النايبات ألتم
يمطر فوگ المخيم
من طاح الگمر عباس
صوت من الخدر حشم

عباس نحن بحماك .....

عطشانه عطشانه أول احچايه انحچت بهداي
لهفانه لهفانه إعله عمي ما اريدن ماي
روحي انه روحي انه انطي لليگلي عمچ جاي

باصرني باصرني الزمان ابطيحة اضعونك
حيرني حيرني وانه اسكينه انهضم دونك
مامرني مامرني الأمان وغافيه اعيونك

نيران الخيم تلهب . وانشد عمه يازينب
لشوفة عمي عطشانه . بفراگه الگلب شيب

يحسين ....

عباس نحن بحماك .....

غيم النايبات ألتم
يمطر فوگ المخيم
من طاح الگمر عباس
صوت من الخدر حشم

عباس نحن بحماك .....
ماعندي ماعندي أخو ياسكنه اشكيله
منين ابدي منين ابدي وعفافي ذبحوا اچفيله
خنودي خنودي خبر لو احنه نمشيله

نتعه نتعه لگمر عدنان ونشيره
نتحنه نتحنه ابدمه اچفوفه التصب غيره
والونه والونه الفواطم طاحت ابحيره

دمعچ بالچ ايشوفه . يزحف عمه لچفوفه
بس نطلب إذن منه . باچر نمشي للكوفه

يحسين ....

عباس نحن بحماك .....

غيم النايبات ألتم
يمطر فوگ المخيم
من طاح الگمر عباس
صوت من الخدر حشم

عباس نحن بحماك .....

ياعمي ياعمي رقيه اتنادي هضموني
يانشمي يانشمي الخياله امعاشر اجفوني
لويمي لويمي تشاهد حالتي ولوني

ياعمتي ياعمتي الغريبه الحايره بينه
وي ونتي وي ونتي تون اونة اسكينه

لو موجود ابوالشيمه . ماشبت علي خيمه
ولاحرگوا گلب زينب . ولاشفنه السبي وضيمه

يحسين ....

عباس نحن بحماك .....

غيم النايبات ألتم
يمطر فوگ المخيم
من طاح الگمر عباس
صوت من الخدر حشم

عباس نحن بحماك .....

موبيدي موبيدي اصبحت حرمه ابوسط عدوان
تنهيدي تنهيدي حسين ياعطشان
وعضيدي وعضيدي الگطع من الگلب شريان

واويلي واويلي اشكبرها طيحة العباس
هد حيلي هد حيلي اليفيض اعله العقيله احساس
يعنيلي يعنيلي الستر والخوه والانفاس

شايلته ابوسط روحي . حگي ولزذت نوحي
تصرخ يمه ياعباس . لمن تنزف اجروحي

غيم النايبات ألتم
يمطر فوگ المخيم
من طاح الگمر عباس
صوت من الخدر حشم

عباس نحن بحماك .....

غيم النايبات ألتم
يمطر فوگ المخيم
من طاح الگمر عباس
صوت من الخدر حشم

يحسين ....

عباس نحن بحماك .....
_____________________________

كلمات الشاعر - احمد الهلباوي


تحميل mp3