هنا

[tahseen alswad]

انطيني كلمه حته لو تدمعلي عين حجاية اليوفون دين انطيني كلمه

گلبي يدري تروح مني بس گبل لا تمشي عني انطيني كلمه
*******************************************
خادمتك سنيني سيد شرايني جبت الضعن جن للرحيل تريد
مختلفه خطواتك تحجيلي نظراتك قصة وداع وماكو ملگه جديد
ماعندي كل حاجه بس كلمه محتاجـه هوه الفرح تختصره كلمة عيد
تظل بابي مفتوحه لو روحتك روحــه ترجعلي باجـر لو تظل بعيد
گلي هسه لاتسافر من سكوت حته اسد بابي واموت گلي هسـه
ادري خايف يبدي وني بس گبل لا تمشي عني انطيني كلمه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
الناوي السفر يحـﭼـي ليش انته بس تبﭼـي تحضني وتروح وترد ردود
تتأمل بداري وانه انـﭼـــوي بناري والله اليشوفك ما يگول تعـود
لو صعبه تحجيلي ابعد واوميلي من الاشاره افهــم المقصـود
لو گلت ارد باﭼـر خادمتك تناطر بدروبك وتنثر عمرها ورود
الموت ارحم للحبيبه العنـه راح عالاقل مابيه جراح الموت ارحم
وانا ميته هسه جني بس گبل لاتمشي عني انطيني كلمه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــ
اطلب طلب منك من هسه اريدنك تصبحني وتمسيني ياغله الناس
خاف انحرم منها تمشي وافگدنها كلمة صباح الخير ياام عباس
ياس العمر تدري ماي انته ياعمري الماي من يرحل يموت الياس
انفاسي بضعونك اي والله وعيونك لو ماترد معناها ماكو انفاس
الله شاهد گبل مااعرف ضياع عرفته من صار الوداع الله شاهد
روح وانـه ابقه بتمني بس گبل لاتمشي عني انطيني كلمه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ

شعليه انا بولدي انته المهم عندي انت الوحيد ولا شريك وياك
ماتاني ملگاهم شاغلني مولاهم هيه العيون انخلقت لملگاك
لمن گلت رايح شفت الگلب طايح اصلاً حرام ا عليه يدگ لولاك
حلمي يايمه حسين انا انقسم نصين نص ينتظر والثاني يتعناك
والله يكتل انتظارك بالدروب الدمع وكت الغروب والله يكتل
ارضه بهمومي يجني بس گبل لا تمشي عني انطيني كلمه

لتحميل القصيدة بصيغةmb3اضغـط

[صفاء العامري]

شكرا ع النقل

[tahseen alswad]

شكرا ع النقل

شكـرا لتواصلك نورتني