دارميات رائعة ومثيرة عن الفقر
دارميات انكتبن عن شخص
معتاز
لشعراء مميزين
،،،،
ابطرك روحي وراد يطلب صديجي
ماكمل المعتاز شكيته زيجي
علي الشيباني
،،،،،،
چاني ويريد افلوس والچاني الغالي
ماعدي اطي.اطيت دمعي وجهالي
انمار قاسم المطيري
،،،،،،،،،
رحت لصديجي بعوز ماگلي شنطيك
گال اخذ اخوي وبيع واخذ اليكفيك
فيصل الحچيمي
،،،،،،،
أبشر كلت للچاي بيتي أنه متروس
بعت الغطه وحطيت بجيوبه الفلوس
مبدر الﻻمي
،،،،،،،
يالتشتكيلي تريد منهن دنانير
بجيوبي ماضمّيت غير التصاوير
لـ علي تاج الدين
،،،،،،،،،،
يالخالي جيبك جيت هم جيبي خالي
ماعندي بس انطيك خبزة عيالي
لـ احمد الفرج
،،،،،،،،
كل التريدة ايصير كل حاجة يمي
لتكلي بس عالمال كلي اعله دمي
لـ الشاعر احمد الدراجي
،،،،،،،
جيت اطلب ومعتاز بس مستحي هواي
جف خالي من رديت رد دمعي وياي
همام الزغيبي
،،،،،،
ها يا شريچ الروح طب بيتي طوفه
واخذ التريدة الـ عين و الما تشوفه
لـ محمد الدراجي
،،،،،،،،
من همك ع الفلوس عمي اني شاريك
جوه الهدم مضمام واخذ اليكفيك
اكرم كريم
رد مع اقتباس
شكراً لك