اخــوي .. زينب كتـلو عبـاسـي
اخــوي .. رجعنـي امـدنگ راسـي
حچي الشامت بـده . صاحـولي العـده . خطيه لوحـده
اخــوي ...
يالعيون . گولن گاعد اتحلم يالعيون
يضحكون . اشوف الوادم اگبالي يضحكون
يصيحون . راح اليحمي نسوانك يصيحون
لازم تنذبح صاحو الصوبين . راح اتيـه نسوانك يالحسين
لازم تنسحگ . وزينب تحترگ . صحت بس لا صدگ
اخــوي ...
______________________________
الظهر مال . اوگفت وگتله يـ بن امي الظهر مال
علي شال . راسه وصفن وتبسم علي شال
بچـه وگال . ثاري اهواي تشبهني بچه وگال
گلبك ينسمع بس لا ركض جاي . فدوه إيروحلك عباس والماي
حظنته وكله دم . حـركته انثـلم . اشيشيلك للخيـم
اخــوي ...
______________________________
بعد وين . الگه اليحرس اخيمچن بعد وين
تنشدين . اشلون الكافلچ بس لا تنشدين
تموتين . يزينب من تشوفينه تموتين
امبين من مچانه اهواي مشيول . من الشط للنص مدنته الخيول
كتر ماهو وكتر . عالطف منثر . صايحلي اشكثر
اخــوي ...
______________________________
يمگفاي . ألف چف مايـعدلنك يمگفاي
ابممشاي . يزينب اجيتچ اتهطر ابممشاي
إعله مبچاي . اريدن كل مره تبچي إعله مبچاي
نطب للخيم خاف اتشـوفنه الناس . لمي الحـرم وانعيلي إعله عباس
لو عندي وگت . اوياچن ثغبت . وبنصـچن صحـت
اخــوي ...
______________________________
الحسين . يـزينب تره اليمچ نص الحسين
تعرفين . أخـوي اهـواي يازينب اتعرفين
نساوين . يستاهل لطم ويه النساوين
ماوفي إعله صدري اشما ألطم حيل . راح ألطم عليه بحوافر الخيل
فرس تدفع فرس . ولا اگللها بس . وأصيح آخـر نفـس
اخــوي ...
______________________________
كلـمات الشـاعر :" أحـمـد المشـرفاوي
______________________________
تحميــل Mp3
رد مع اقتباس
المشاركة الأصلية كتبت بواسطة انثى مخمليةة
