من المشرفين القدامى
امنيات *
تاريخ التسجيل: April-2016
الدولة: تحت قبة اميري علي (ع )
الجنس: أنثى
المشاركات: 6,210 المواضيع: 1,261
صوتيات:
313
سوالف عراقية:
0
مزاجي: ابتسم للحياة
المهنة: طالبه جامعيه ..
موبايلي: هواوي
آخر نشاط: 9/October/2023
قصيدة (مايبقه غير الدمع) باسم الكربلائي - ليلة 25محرم 1441هـ - مكتوبة
قصيدة : ما يبقى غير الدمع
للشاعر : السيد عبد الخالق المحنه
ليلة 25 محرم 1441 هـ
حسينية إم الحسن / الفاو
ما يبقى غير الدمع من الزمان يدور
واليضمد الكسر وسفه يظل مكسور
حسين يا حسين ..حسين يا حسين
««««««««««««««««««««««
معروفة لو دار الزمن
تصبح قليلة أحبابك
والأغلب تضيع العرف
محد يصل يم بابك
لتعاين بظهر المشوا
وإتحزم على صوابك
والدينا عبرة گنطرة
ما تسوه حتى إعتابك
فوضى تعم الأرض والبسبي دستور
ريت الزمن ينتهي أول شهر عاشور
حسين يا حسين .. حسين يا حسين
««««««««««««««««««««««
صعبة الحميته من الخطر
جازاك طعنة بظهرك
والي إنهزم بالمعركة
بأسمه يسجل نصرك
صعبة أسيرك بالأمس
يرجع اليوم يأسرك
صعبة الشرف من ينسبي
حچي الشماته يكسرك
عالگاع گاعد صنم فوگ الهزل قران
والماتوا أهله عطش حتماً يظل عطشان
حسين يا حسين ..حسين يا حسين
«««««««««««««««««««««««
من راقبت درب السبي
ما صدكت من شفتك
متأخر بتالي الضعن
رؤوس الاهل سابگتك
انته العليل تأكدت
من ونتك ميزتك
دافن عشيرة بكربله
راجع سبي وي عمتك
يا ناكرين الفضل هذا علي السجاد
هذا اليقود البشر تالي بحبل ينگاد
حسين يا حسين .. حسين يا حسين
«««««««««««««««««««««««
بگيودك وشفتك
نبي لكن علي ما هوه
صدرك يدور عالأبو
ظهرك يدور خوه
چفك برد من التعب
بس الگلب يتچوه
لمن تميل من الحزن
صار رمحهم تچوه
تبقى على بالك صور للعلة زادت داي
صورة طفل وجفوفه تطلب ماي
حسين يا حسين ..حسين يا حسين
««««««««««««««««««««««««
شفت الحديد برگبتك
شال الجلد وتعده
وانته اديك مگيده
والجرح بيش تشده
من تركع يسيل الدمه
اكثر نزف بالسجدة
يالماشي وي هذا الوكت
ذاك الوكت شيرده
كل ما تشوف الرمح تذكر نحر الحسين
كل ما شربت العذب تذكر الجفين
حسين يا حسين ..حسين يا حسين
««««««««««««««««««««««««
كاشخ يزيد بجيتك
حقق حلم شيطانه
يا ويلي ربات الخدر
گعدن وسط ديوانه
راس الحسين البسمه
بالطشت صار مچانه
وعليكم تمرجل نذل
وسفه يطول لسانه
زينب تصد عالطشت عالخيزرانه ابعين
شالت يمينك ولك عباس اجيبه امنين
حسين يا حسين .. حسين يا حسين
«««««««««««««««««««««««««
بهدومك تراب اليسر
غطاه رماد خيامك
والدم على جفوفك يبس
ويغسله دمع خيامك
ذوله اهل لات وهبل
وتسلحوا بأسلامك
اكبر شرف عدهم گبل
لو وصلوا الخدامك
والينظر اخته بيسر ومگيد ومعلول
يتمنى تعمى البشر والدنيه كلها تزول
حسين يا حسين ..حسين يا حسين
______________________
رد مع اقتباس
شكراً لك
المشاركة الأصلية كتبت بواسطة حہيہدر الہبغہداديہ
