احله شي مرات من حيل اختنك
ابتسم واشتاك وابجي
وأذكر أيام العشگ
واذكر اخر صورة ضلت
من صفت وسط الحرگ
وأنسه مرات السوالف
من تگلي گليبي هاك
اكتب اشعار واذمك
والحصل بس من وراك
هذا طبع الي يوافي
ينهدم حيله بجفاك
وتذكر الليله اللي چنه
ثنينه بلحظه نفز
وانه اگاك حيل ضايج
وانته گلبك ينغز
اي چنت انت ملاكي
والوصف عنك عجز
تدري لو مر شر عليه
چنت اشيلنك حرز
ومن چنت تحرك بگلبي
وتدري بيه شلون اغار
تگلي لو نتزوج احنه ما افرحك بالزغار
ما امل صدگني منك كل محطة انتظار
والله ما بيهن فرق طعم العسل ومرورتك
إشتاگيتلك يل ما تحن ويل ما تخون بصورتك
#قلمي
رد مع اقتباس
