هنا

[فقار الكرخي]

اشد حيلي واگوم اتوچه عالباب
يجي الدفان يحفر بيه سرداب
حگه وماعرف لوني من التراب
يصدگ ياوجه واللون جذاب

يوسف محمد السوداني

ماچن حجيت وضحك سنك
چنك رحت وايست منك
غم الليالي الفرهدنك
كون الرمل ينشال عنك
ولزم بديه اليوجعنك

حسين صالح

توه الدمع والموت توه
والعايش گوه يموت گوه
يانهر شوف ادم شسوه
يمطر جثث بجفوف حوه

عامر عاصي

بس مو جبيره الشنهي ماذيچ
من تنشد اعله رويحتي شبيچ
انه اعله حطت روحتك ذيچ
مشلوع كلبي اعله الشبابيچ

ضياء المياحي

دير الخمر فوگ الصور دير
بلكت تطفيك التصاوير
ليلك شكبره وحلمك أزغير
ماينصبغ شيب الطباشير

ناصر البدري

كون الوفه ينباع بالسوگ
وكون الشلونك مو حجي حلوگ
شگت گواغد گلبي مشگوگ
ومو من هوه من الوكت مخنوگ

حسين الحبتري

[tahseen alswad]

روعاااااااتك مشكـــــــــــــــور

[احمد the poet]

جميل