ياروحي عافـوني . الشالتهم امتـوني
مارحموا اعيـوني . لمن مشـوا
ودي إلا ارافگهـم . بس گلت اتعبهـم
بس آنه غير امهم . بس لا نسـوا
گمت اروحن وارد ويشـوفوني
وأدعي ياربي بلكت يصيحوني
صاحوا وتوني ردت أمسح عيوني
واركضت ثاري رادوا يودعوني
چلمه ماحچيت . صافنه عليهم
حته مابچيت . خاف ابچيهم
رادوا يموتوني . ياروحي عافـوني
حسين تذكر گبل لو اذكرنـك
اشلونچ اتـگلي اگلك احبنـك
اغفه اشوفك افز هم اشوفنـك
وانته لا يمي لاينشرد منـك
روحي يانهار . سير اعليها
بيها كلشي صار . وإنته مو بيها
يهلي هضمتوني . ياروحي عافـوني
چانوا اولادي لوطبوا إعليـه
ما أجو چنهم إلا تمر بيه
اشلون تمشي وبعد ما إلك جيه
چا لحگتك لو يعينني رجليه
يبني من مشيت . فاضن اجروحي
ليه لا إجيت . لاخذت روحي
بلكت تذكروني . ياروحي عافـوني
ردت اگللهم اويـاكم إخـذوني
وإستحيت وگلت لايسمعوني
ليش يدرون أموت ويعوفوني
وليش عود الأحبهم يعذبوني
هسه بالله بيش . تلتهي اعيوني
ماگلتها ليش . چلمة اخذوني
لاصحت ارحموني . ياروحي عافـوني
ليش يهمومي سولتچن ابهرشـي
وليش ياراسي شيبك عده رمشـي
ليش ياجدمي تتهطر امن امشـي
ليش من كلشي ماحصلت كلشـي
كلشي منـي راح . حته ضحكـاتي
حته جفنـي طاح . ويه دمعـاتي
لحـگنهم اجفوني . ياروحي عافـوني
كلمات الشـاعر - أحـمـد المشـرفاوي
تحميـل القصـيدة mp3
رد مع اقتباس