درب يكرة طواري اعزاز
ميوزة (آه)
چف (يمتة).......
نخاني وجيت بس يمتة
..ولا ادري ...
ونعي...
ومگاود الحيطان للصوره البگت ميتة..
ميوزة (آه) سكرانة بصور(منسي)وتذكرتة
وامراية(تتن)حزنين
يا حزنين
ولك خايب....
حزن روحي وحزن روحي ولا شفتة!
وديرة ماي بس عطشان اي عطشان
وبدربي نهر ليغاد بس عفتة
ومشيت وسيرت لل اخ
بس لاگاني چف يمتةة
وبعد مشيت
اشوية الهوى يم ديرة الشباچ
والمخنوگ ظل مخنوگ...
واهوايه الشرب ذنبة
والسكران ظل سكران ....
فتح زيجة الشعر وتعاند ويه الطوگ..!
وبعد مشيت بس الگيت
اهوايه الناس _زحمة شوگ
اشوية الهوى يم ديرة الشباچ....
والمخنوگ ظل مخنوگ...
درب بعيد حيل بعيد من مشيت...!
درب ناثر الطولة اگزاز
درب بي ريحة الجناز
درب يكرة طواري اعزاز
واجدامي بگت ترجف
رحت حافي ولا رديت!!
چف (يمتة)وبعد (ياريت)....
ولگيت اعلة الرفوف رفوف
عميت انه يديرتنة وبعد ما شوف
لازمني طواري الخوف بس ما خاف
چف (يمتة)وحلم ينعاف!!
فاطمة الصالحي
رد مع اقتباس
