ذاك المرض يا ستار ، بيها مرض نسوان
من جنت صغير اروح وية امي مثلا على اقاربنا
واسمع يكولون فلانة مريضة
وبأعتباري طفل واحب اتدخل واعرف كلشي
اسأل امي .
يمة شبيها فلانه من مرض
تكلي يمة بيها مرض مال نسوان ؟
وشكد الح عليها متقبل تكلي شنو نوع المرض بفلان بنية .
من كبرت عرفت ان مثلا امراض النساء الخاصة
ميصير الاطفال يعرفون بيها
والسبب هذا طفل واحتمال يضل يحجي وين ما كعد
فلانه بيها هيج وعيب لأن مجتمعنا ميتقبل هيج امور .
الزبدة
فلان مات
الله يرحمة . شلون مات
بي ذاك المرض ياستار
وعيت عالدنية وامنيتي اعرف شنو يعني ذاك المرض ؟
كل ضني ان تسمية ذاك المرض
نفس سالفة مرض مال نسوان
كلت اكيد الرجال هم يتمرض وبدال ميكولون مرض مال نسوان عالمرأة
بالرجال يكولون بي ذاك المرض ياستار .
الى ان احد اقاربنا توفت
شبيها ماتت بعدها صغيرة
كالو مو بيها ذاك المرض ياستار ؟
يمعودين خاف بيها مرض مال نسوان
لأن ذاك المرض الاعرفة وسامعه يصير بالرجال ؟
والمرأة يصير بيها مرض نسوان ؟
بعد ما ضحكو
جرني واحد على صفحة
وشرحلي الامور بالتفصيل
الاحب اناقشة وياكم
ليش ما نسمي الأمور بمسمياتها
يعني اذا نطقنة اسمة او لا شنو الراح يتغير
ليش منكول فلان بي سرطان يعني شنو راح ننعدي مثلا
لو هالكلمة تخوف
ودائما اسمعها سرطان بكلبك ان شاء الله
ملاحظة
اذا كانت اكو لطافة بالموضوع
مو معناها تكون ردودنا فكاهية
رد مع اقتباس
) يجاوبك ب اسم المرض الصريح
المشاركة الأصلية كتبت بواسطة Scrap
