تعال أمحالل وماهوب
تعال أمحالل وماهوب
أخذ گلبي لَون تخاف
أيه أعله الجلد مكتوب
بعد بيه حَنين إيمام
وضوه أيهلي أعله مد الشوف ،،
تعال وطب صحن روحي
وتِيمم من بحر دمي
تعال وأظل دهر يمي
وأگف صلي صلاة الخوف ،،
ألك منذور كل حيلي
ألك منحور كل جيلي
تريد امرادك آمن العين
طوف بكل حلاتك طوف ،،
دحبحبني علگ شباج
وأفتح كل كتر معگود
والزمني برهاوه إزلوف ،،
ذب روحك ورگ صفصاف
شحلاتك وأنته عل مكشوف ،،
شحلاتك ياگطن لوحين
عبر موسم لگاط العام
ولهسه إبعز بياضك ذاك
لهسه وأنته ما مگطوف ،،
شبر بين الگمر والجيد
شبر بين الخصر والعيد
رتع شوفي ورتع مهلوف ،،
وغفه بسدك سرب فراش
صحه يدردم جمال الشام
عبر خلگه بخلگ مجتوف ،،
يريت أنسيير ويه الماي
نوارس والسوالف بِيض
وأغنيلك جزه المشحوف ،،
تجيني ولو أبوگك بوگ
يهل كلك مَري آمن بعيد
يِخيل وآني نيتي الحوف ،،
تعال أستورح العطاب
وج گلبي وصعد دخان
لحد آخر سمه النجمات
جذب گالو يكعهَ الطوف ،،
لَون طولك غفه وي الياس
اعرفك من بعد ليلين
حبيبي من الزلف معروف ،،
وأشمك شمة المسجون
لجاب الرساله بخيط
ومحجل أبخمس إحروف ،،
أحبك يا شذر موصوف
احبك يابو خمس إحروف ،،
همام الزغيبي
رد مع اقتباس