كلمات: خادم الحسين مؤيد الحسناوي
شماتخدم لابو السجاد يجيلك يوم بيه عازه
احضر مجلسه بعاشور يحضرك وكت الجنازه
خلصت والعمر محسوب يمكن باﭼر اتوازه
اطيح بدنيتي وماكوم وادري حسيني عكازه
حسين انطاك شتجازيه مبارك قطرة من دمه
اذا متكول بسم الله راح تزعّل النعمـــه
صدرك من يمر عاشور دوم عله اللطم علمه
ومن تگول آه ياحسين تعطر الدنيه هالجلمه
يدور عليك بين الناس يجي وينطيك ع النيه
يكلك هاك اخذ شتريد اذا تلطمله لطميه
وعله جتافك توزع ماي ثواب بهاي الميه
يبجي هواي ابو السجاد اذا مر طاري البنيه
زينب من عثر بالخيل كامت صاحت اسم الله
وكالت ها وكع لا كام ها مدري اعتقد صله
الزغار بمجلسه يحضرون بيهم هلةٍِ هلـه
لايزعل طفل ويروح لان مايرضا عبد الله
اذكروني بشراب الماي ذكرناك بمجالسنه
شحيحه وجوهنه بلاياه ونهر من وجهه تارسنه
اذا خنصر يمر ع البال تضل تبجي محابسنه
السواد بكل كلب موجود اكثر من ملابسنه
https://www.dorar-aliraq.net/mp3/%d8...%d8%b1%d8%a8-1
رد مع اقتباس
المشاركة الأصلية كتبت بواسطة صفاء العامري
