لا تذكر العشره وتفز احلامنه
باريتك الذمه اعله ذيچ ايامنه
من چان الحسين السهر . من چنت اشبهك بالگمر
من چانت أمنه وچان حيدر لامنه
من چان ياخذنه السهر لو گلبي يمك سير
والليل يتغير صبـح بس انته ماتتغير
غمض يمن عينك طفت . شيعود الايام الگضت
____________________________
شمدل ارسومك يبعد ارسومي
اذاني گلبي وگلي زينب گومي
يلچمني گلبي ابلا جرح . ثاري الهوه ايحرك الرمح
واليمي كلهن چلبن بهدومي
نسوان والتفتر غرب مايمنه زلمه انعرفه
عباس من گد التعب مت عيني نايم وگفه
هنيالك اعيونك غفت . شيعود الايام الگضت
____________________________
تذكر چنت ماتغفه إلا مو بيدي
يالما مخلفتك واگول اوليدي
يالتوك امتعب الوحي . يابس عطش لو مستحي
موبيدي بس صعبه من أگول اشبيدي
ياگلبي حگك تحترگ لاتحچي ضيمك يمهم
چم خطوه واوصل للنهر واهلي العطش كاتلهم
زينب خطيه اتحملت . شيعود الايام الگضت
____________________________
خليني اذكرك بلكي تگعد لينه
تانيتك ابگد ما چووا رجلينه
رجلينه يچويها الرمل . ايعين الله جسمك منمطل
عود احنه نركض والرمل يچوينه
اتمنيت موقف شوفتك لوميته لو ماشوفه
چا هوه غير المنچوي لازم اتعينه اچفوفه
مو حلوه كلش خلصت . شيعود الايام الگضت
____________________________
مو كل السوالف عليك احچيها
بس هاي الحچايه ارد أگعدك بيها
من عدها احس گلبي انهضم . جابو جربتك للحرم
لوما جربتك چا ابوجهه اچفيها
هضمتني عباس وعلي شوفتها حزت بيه
مسبيه اشوفن جربتك يالجربتك علويه
بمتونك اشگد چلبت . شيعود الايام الگضت
____________________________
تحميل mp3
رد مع اقتباس