درر العراق

ღ عِشق ღ · 21/September/2019

صدگ گالو هوه
إسم الله اعله اللوه
إسم الله اعله اللوه

اطيح ابطيحة الواك
هنا يالرابيه اوياك
العمر خلص سوه
العمر خلص سوه

يخو خدري من اشوفن رايتك يمي
وحگ عينك تحسسني ابحنان أمي
العمر خلصته ماصايح علي بسمي

أغاتي اتگلي وأم عون
خجل وامدنگ العيون

لجرح گلبي دوه
العمر خلص سوه

اجيتك حرمه مهضومه الوكت ضكني
متعوده اعله طولك لاتفارگني
ندهتك ماگمت هاي الـي هضمتني

يالتتونس إعله الموت
خياله الخيمنه اتفوت

چي طاح اللوه
العمر خلص سوه

يبو خـوة مثـل شو ضاعت الخـوه ؟
عجوز آنه وإجيتك للنهر گـوه
ولا چني اعله راسك يابو المـروه

منك أيست رديت
أرجعت للهيمه مامش بيت

بيت العز هوه
العمر خلص سوه

إجيتك للشريعه ها يالمعتبر
أريد انعه اعله جسمك والزلم تفتر
الوذ ابحسـرتي وبـدمعتـي اتوزر

انه اشويه وگمت عنك
خفت لا انشتم يمك

الحچي وزودي انطوه
العمر خلص سوه

يظـل طـولي السوالف خلصـن كلهن
بنات الزهره ظلن زلم ماعدهن
من يمك شمر بالگوه ياخذهن

سولف شيبت رمشـي
إحچيلك چلمه خل أمشـي

يالأغـله من الهوه
العمر خلص سوه

كلمات الشـاعر المبدع : حيــدر الحمــدان