يانـده اتطيـح اعلـه روحك عـودتني
فحطيـت الگمـره بيـه وماشـفتني
الليـل يندهنـي نجــم
واغفـه روحـك وانلچــم
ادري أكتـلك . من أگـلك . فارگـتني
رايح اوادم عفت تحچـي وراي
ياعبايه ابطيحتـك تبـگه ابگفاي
ليش تتعنـه النهر رد ياهـواي
گصتك وگصتي يترسن دنيه ماي
السالفه التكتـل جفاك . ظلمه واتـوسل ضواك
من رحت ماأدري إلمن ماخـذتني
ردلي خل اتـرد اوياك العافيـه
فـزت الچانت ابطـولك غافيـه
امددلتـكم هسه تـركض حافيـه
مـن الهضم بـردت البيـكم دافيـه
بيني مابينك بچيت . وإعله اصـورك دنگيـت
وشفت صورة وبيها تضحـك موتتني
من رحت نجم الظهر بعيوني شفته
شنهـو ذنب العاف روحه وإنته عفته
الموت من اتدنـلـك شنهو الخبرته
اتذكرتني اوجرحك العندي لچمته
اهواي إلك بيه اومشيت. من درت وجهك بچيت
توني أريد احچيلك البيه وعفتني
ابين جثتك والخيم چانت مسافه
اهـواي بيه اتطشرت آخ وحسافه
إنته طايح والضوه ايصدلي ابصلافه
حرگه ماعايشها خل اوخله عافه
فوگ طولك من اجيت . حنية اهلال انحنيت
ياونستي إعليك كلش وهستني
ياحنيـن أتون عليّ وحسين يمـك
خافن اتلچمه اويفـز ويـزيد همك
مدري اطشن روحي فوگك مدري المك
ساعه أشم نحر الحسيـن اوساعه اشمك
أحس كلش قصـريت . ألمن إلكـم ودعيـت
الدنيه بين حسـين بينـك مرمرتني
ياعرف دلوني وين ألگه المثلكم
اطيوف مروا اشويه فوگ اجفون إختـكم
زينه كلش عايشه إعله الله اوصـوركم
ادري يخواني المشيتو اهـواي اهمـكم
من شفتكم عـ الرمـاح . حيلي وي ادمـوعي طاح
الغربه چلمه ابلايه شاهد سولفتني
كلمات الشاعر : محمـد الجـراح
تحميــل القصيــدة mp3
رد مع اقتباس