هنا

[الشاعر هاني حماده]

زيد الثار المعروف هاك اسمع خبر عنه
نبعه من علي السجاد شباب وعاشك ألجنه
***
من جملة خصال ألبي فقيه بمحكم القرءان
ورع عن لذت الدنيا كريم وللكرم عنوان
شجاع وما يهاب الموت وسيفه يرعب العدوان
هز عرش الظلم اسمه غيور وثورته بدمه
للثار انفض عزمه أبو يحيه أسد چنه
***
منار وقدوة الثوار حارب كل بني مروان
وهشام الظالم الملعون راده يفارك الأوطان
هيهات البطل گله أطيع أمرك وضل خسران
هشام أمر يسجنونه وعن داره يبعدونه
طلع والدمعه بعيونه وعلى درب العراق اثنه
***
دخل للكوفه راعي الزود واخذ بيعة اهلهه وصاح
نحارب زمرة الإجرام ونحصد بالحرب أرواح
وناخذ ثار أبو الأحرار جدي بكربله من طاح
اليوم الكوفه اخليهه سافلهه أعله عاليهه
وگلبهه أعله اهاليهه ثاري وما اكف عنه
***
من طاح بجرح چتال مات بصوره معروفه
يرويهه إمام الكون ودمعت عينه مذروفه
يگول الفاجعه الصارت ألزيد بغدرة الكوفه
منهه لاجره ولاصار گطعو راسه بالاشفار
صلبوه احرگوه بنار ولمصابه غدة ونه
***
بمصاب الشهيد اليوم نواسي الصادق المسموم
وننصب مأتم الزهره ونصيح بدموع دموم
واويلي على مصابه واويلي على المظلوم
ياشيعة غريب الدار گومو وسالو القهار
يعجل ثاره لأخذ الثار ملينه الصبر صحنه
***
ملينه الصير والنوح وين ابن الحسن وينه
يظهر شايل الرايه وبسيفه يحامينه
مهديمنه اشوكت يظهر وينور ليالينه
ضلمه الدنيا بغيابه علينه ضاعت أسبابه
واحنه ألدمعه سچابه تجري من ضمائرنه
***
هاني حماده البلداوي
1\ صفر \ 1436

[فقار الكرخي]

احسنت
بورك قلمك