أمسح الخوف بتعال
يا بخور اطفي شمعات
الهوى لمن تشيع
والله يا حطاب ضحكي من امشي بيك
أوصل لروحي واضيع
هد حمامك اني اعيش
هد عتابك اني شماعة جروح
هد دلالك
بلل خدودك ورد جوري وفراش
وهد زعالك خل يروح
رحّل الطاووس منك
ابمكانه حط .. هَلا
لوغله اعليك العطر
لملي طاسة ضحك من جرفين ثغرك
وبرد اسنيني من امر
اسنين نكَعني بهواك
جناح مخنوكَـ برغبتي
وزلف محكوم ابظفر
أمسح الخوف بتعال
وحرك بدمي الحطب
أفتح ابلامة قميصك
وفيض الدنيا رطب
نهر بديني اعله زيجك
آخرة شمس الله وجروفه ذهب
ألتم بمكسر حمامك ثلج ميت
فرهده الحر والتعب
أنطيك دم التين نشوه
وخدر لشفاف الجرِح
انطيني من نبعك زراكَـ
مايي خابط ماكو بي وشلة
صبح
ومن وطن خصرك محابس
الكل أصابيع الذبح
ياحضور الدم حضورك
من يلم ثوبه الجرِح
مسبي راسي بأنتظارك
الباقي من جسمي رمح
حيدر العوادي
رد مع اقتباس
